మధ్యప్రదేశ్ గుణా జిల్లాలో జరిగిన కారు ప్రమాదంలో ఉత్తర్ప్రదేశ్కు చెందిన గ్యాంగ్స్టర్ మృతి చెందాడు. ఈ ఘటనలో ఇద్దరు పోలీసులు సహా నలుగురు గాయపడ్డారు. క్షతగాత్రులను సమీపంలోని ఆసుపత్రికి తరలించారు. ఆదివారం ఉదయం జరిగిన ఈ ఘటన ఆలస్యంగా వెలుగులోకి వచ్చింది.
ఇదీ జరిగింది!
ఉత్తర్ప్రదేశ్ బహరాయిచ్ జిల్లాకు చెందిన నేరస్థుడ్ని ఫిరోజ్ఖాన్ను లఖ్నవూ పోలీసులు... మహారాష్ట్ర పాల్ఘర్ జిల్లాలోని నాలాసోపారా ప్రాంతంలో అరెస్టు చేశారు. అక్కడ నుంచి లఖ్నవూకు తరలిస్తుండగా మధ్యప్రదేశ్లోని గ్వాలియర్-బౌతుల్ జాతీయ రహదారిపై ఓ ఎద్దు(నీల్గాయ్)ను ఢీ కొట్టి... పోలీసుల వాహనం బోల్తా పడింది. ఈ ఘటనలో తీవ్రంగా గాయపడిన ఫిరోజ్ను ఆసుపత్రికి తరలించగా.. అప్పటికే చనిపోయినట్లు వైద్యులు నిర్ధరించారు. ఫిరోజ్ ఖాన్పై గ్యాంగ్స్టర్ సహా పలు కేసులున్నట్లు అధికారులు తెలిపారు.
ఇద్దరు పోలీసులు సహా నలుగుర్ని ఆసుపత్రికి తరలించినట్లు లఖ్నవూ పోలీసు కమిషనర్ సుజిత్ పాండే తెలిపారు. వాళ్లను సోమవారం ఆసుపత్రి నుంచి డిశ్చార్జి చేసినట్లు చెప్పారు. గ్యాంగ్స్టర్ మృతదేహాన్ని పోస్టుమార్టం కోసం భోపాల్కు తరలించినట్లు వెల్లడించారు.
ఇదీ చూడండి: కొవిడ్-19పై సమర్థవంతంగా మరో ఔషధం!
