ఛత్తీస్గఢ్ దంతెవాడ జిల్లాలో ఘోర రోడ్డు ప్రమాదం జరిగింది. వేగంగా వస్తున్న కారు అదుపు తప్పి చెట్టును ఢీ కొట్టింది. ఈ ప్రమాదంలో ఐదుగురు మృతి చెందారు. వీరిలో నలుగురు ప్రభుత్వాధికారులున్నారని పోలీసులు చెప్పారు.
ఇదీ జరిగింది...
బాధితులు జగదల్పూర్ పట్టణం నుంచి కారులో బార్సూర్ వైపు వెళ్తున్నారు. మార్గ మధ్యలో అడవి ప్రాంతం నుంచి వెళ్లే క్రమంలో.. ఓ మలుపు వద్ద వేగంగా ఉన్న కారు అదుపు తప్పి చెట్టును ఢీ కొట్టింది. ఈ ఘటనలో ఐదుగురు అక్కడికక్కడే మరణించినట్లు అధికారులు వెల్లడించారు. జగదల్పూర్ ప్రాంతంలో విధులు నిర్వహించి తిరిగి వస్తుండగా తెల్లవారు జామున 2.30 గంటలకు ప్రమాదం జరిగిందని పేర్కొన్నారు.
ఇదీ చూడండి: అమిత్ షా రాజీనామాకు కాంగ్రెస్ ఎంపీల డిమాండ్
