'ఆయుష్మాన్'​ పేరుతో టోకరా.. నలుగురు అరెస్ట్​

కేంద్ర ప్రభుత్వం ప్రవేశ పెట్టిన 'ఆయుష్మాన్​ భారత్​' పథకం పేరిట నకిలీ వెబ్​సైట్​ను నిర్వహిస్తోన్న నలుగురు కేటుగాళ్లను అరెస్టు చేశారు దిల్లీ పోలీసులు. ఉద్యోగాలు కల్పిస్తామని చెప్పి వేల మందిని మోసం చేసినట్లు పోలీసులు తెలిపారు.

'ఆయుష్మాన్​ భారత్'​ పేరిట నకిలీ వెబ్​సైట్​ను నిర్వహిస్తోన్న నలుగురు దిల్లీ యువకుల్ని అరెస్ట్​ చేశారు పోలీసులు. నకిలీ వెబ్​సైట్​ ద్వారా వేల మందిని మోసగించారని పోలీసు అధికారులు తెలిపారు. నిందితులు.. ఉమేశ్​(37), రాజత్​(33), గౌరవ్​(26), సీమా రాణి శర్మ(33)ల నుంచి ఒక ల్యాప్​టాప్​, నాలుగు చరవాణిలు, ఎటీఎం కార్డులను స్వాధీనం చేసుకున్నారు పోలీసులు.

ఎలా చేశారు..?

ఆయుష్మాన్​ ఆరోగ్య పథకం కింద.. సుమారు 5,000 కొలువులు అందుబాటులో ఉన్నాయని నిందితులు తమ వెబ్​సైట్​లో ప్రకటన ఇచ్చారు. ఇందులో వార్డ్​బాయ్​, నర్స్​, ల్యాబ్​ సహాయకులు, ఫార్మాసిస్ట్​ వంటి పోస్టులు ఉన్నాయని నమ్మబలికారు.

సంబంధిత పోస్టుకు అనుగుణంగా ఓ రిజిస్ట్రేషన్​ ఫారమ్​ను ఆ వెబ్​సైట్​లో పొందుపరిచారు. ఈ అప్లికేషన్​ ఫారమ్​ నింపాక.. ఆన్​లైన్​ పేమెంట్​ కింద రూ. 300 నుంచి 500 వరకు (పోస్టును బట్టి) దరఖాస్తుదారులు చెల్లించేలా చేశారు. వీరు చేసిన ఈ మోసాలకు సుమారు 4,200 మందికి పైగా బాధితులు బలయ్యారు.