ఝార్ఖండ్​లో పిడుగులు పడి ఐదుగురు మృతి

ఝార్ఖండ్​ దమ్కా, గిరీడీ జిల్లాల్లో పిడుగులు పడి ఐదుగురు మృతి చెందినట్లు అధికారులు తెలిపారు. ఈ ఘటనల్లో మరో వ్యక్తి గాయపడ్డాడు.

ఝార్ఖండ్​లో పిడుగుల ధాటికి వివిధ ప్రాంతాల్లో ఐదుగురు మృతి చెందారు. మరో వ్యక్తి తీవ్రంగా గాయపడ్డాడు.

దమ్కా జిల్లా మసాలియా పోలీస్​ స్టేషన్​ పరిధిలోని మక్రాంపుర్​​ గ్రామంలో రోడ్డు పక్కన ఉన్న దుకాణంలో స్నాక్స్​ తింటుండగా పిడుగు పడి​ ఇద్దరు మృతి చెందినట్లు అధికారులు తెలిపారు. ఈ ఘటనలో దుకాణం యజమాని గాయపడగా ఆసుపత్రికి తరలించారు.

అలాగే అస్నా గ్రామంలోనూ పిడుగుపాటు కారణంగా మరో వ్యక్తి మరణించగా, గిరీడీ​ జిల్లాలో 12 ఏళ్ల బాలుడు మృతి చెందాడు.

ఇదీ చూడండి:కొండ చరియలు విరిగిపడి 11 మంది గల్లంతు