కర్ణాటక కలబురిగిలో ఓ గూడ్స్ రైల్లో అగ్ని ప్రమాదం సంభవించింది. కలబురిగి రైల్వే స్టేషన్ సమీపంలోని పీడీఏ కాలేజీ గేట్ వద్ద అర్ధరాత్రి ఒంటిగంట సమయంలో మంటలు చెలరేగినట్లు అధికారులు తెలిపారు. ప్రమాదం జరిగిన సమయంలో రైలు కంపార్ట్మెంట్లో ఆరుగురు సిబ్బంది ఉన్నారు. వారందరు సురక్షితంగా బయటపడ్డారు.
గూడ్స్ రైల్లో చెలరేగిన మంటలు.. దగ్ధమైన బోగి
కంపార్ట్మెంట్లో ఉన్న సామగ్రి పూర్తిగా కాలిపోయినట్లు అధికారులు స్పష్టం చేశారు. ఘటనాస్థలికి చేరుకున్న అగ్ని మాపక సిబ్బంది మంటలను అదుపు చేశారు.
షార్ట్ సర్క్యూట్ కారణంగానే ప్రమాదం జరిగి ఉండవచ్చని రైల్వే అధికారులు అనుమానిస్తున్నారు.
ఇదీ చదవండి: హీరో విశాల్తో గుత్తాజ్వాల డేటింగ్.. ఫొటోలు వైరల్!
