కేంద్రం తెచ్చిన వ్యవసాయ బిల్లులకు వ్యతిరేకంగా దేశవ్యాప్తంగా ఆందోళనలు జరుగుతున్నాయి. ముఖ్యంగా హరియాణాలోని రైతులు వీటిని తీవ్రంగా వ్యతిరేకిస్తున్నారు. సిర్సా వద్ద జాతీయ రహదారిని దిగ్బంధించి.. ధర్నాకు దిగారు.
ప్రైవేటు కొనుగోలుదారులు.. వ్యవసాయ ఉత్పత్తులను కనీస మద్దతు ధర కంటే తక్కువకు సేకరించడం శిక్షార్హమైనదిగా ప్రభుత్వం చట్టాలను రూపొందించాలని డిమాండ్ చేస్తున్నారు నిరసనకారులు. అదే తమకు భరోసా కల్పిస్తుందని అంటున్నారు.
అంబాలాలోని సాదోపుర్ సరిహద్దు వద్ద ఆందోళనకు దిగిన రైతులను చెదరగొట్టేందుకు జలఫిరంగులు ప్రయోగించారు పోలీసులు. నిరసనకారులు వెనక్కితగ్గకపోగా... ఉద్రిక్త పరిస్థితులు నెలకొన్నాయి.
నిరసనలు చేస్తున్న రైతులపై జలఫిరంగుల ప్రయోగం
పంజాబ్లో యూత్‌ కాంగ్రెస్‌ ఆధ్వర్యంలో రైతులు జిరాక్పుర్ నుంచి దిల్లీ వరకు ట్రాక్టర్ ర్యాలీని చేపట్టారు.
