రాజస్థాన్​ సీఎం సోదరుడి కంపెనీలో ఈడీ సోదాలు

13 ప్రాంతాల్లో ఈడీ సోదాలు..

ఎరువుల కుంభకోణానికి సంబంధించి దేశవ్యాప్తంగా సోదాలు చేపట్టింది ఎన్​ఫోర్స్​మెంట్​ డైరెక్టరేట్(ఈడీ). ఇందులో భాగంగా రాజస్థాన్ ముఖ్యమంత్రి అశోక్​ గహ్లోత్​ సోదరుడి కంపెనీలోనూ తనిఖీలు నిర్వహిస్తోంది.  

జోధ్​పుర్​లోని అగ్రసేన్​ గహ్లోత్​కు చెందిన అనుపమ్ కృషి పేరుతో ఉన్న కంపెనీ సహా రాజస్థాన్​, బంగాల్, గుజరాత్​, దిల్లీలోని మొత్తం 13 ప్రాంతాల్లో సోదాలు జరుగుతున్నట్లు ఈడీ వెల్లడించింది. ఈ కుంభకోణంలో రూ.7 కోట్ల కస్టమ్స్​ జరిమానా ఎదుర్కొంటున్నారు అగ్రసేన్​ గహ్లోత్. దీనికి సంబంధించి మనీ లాండరింగ్ నిరోధక చట్టం (పీఎంఎల్​ఏ) కింద ఛార్జ్​షీట్​ కూడా నమోదు చేసింది ఈడీ.

రాజస్థాన్​లో రాజకీయ సంక్షోభం కొనసాగుతున్న నేపథ్యంలో.. ఈడీ దాడులు చర్చనీయాంశంగా మారాయి.