బంగాల్లో నలుగురు పోలీసు ఉన్నతాధికారులను ఎన్నికల సంఘం బదిలీ చేసింది. ఇందులో కోల్కతా పోలీసు కమిషనర్(సీపీ) అనుజ్శర్మ, బిదాన్నగర్ సీపీ జ్ఞన్వంత్ సింగ్ తదితరులు ఉన్నారు. ఈ అధికారుల వల్ల ఎన్నికల పారదర్శకతపై ప్రభావం పడుతుందని కొందరు భాజపా నేతలు ఇటీవల అనుమానాలు వ్యక్తం చేశారు.
బదిలీ అయిన అధికారులను ఎలాంటి ఎన్నికల విధుల్లో కొనసాగించకూడదని రాష్ట్ర ప్రధాన కార్యదర్శికి ఈసీ ఆదేశాలు జారీచేసింది.
ధర్నాలో పాల్గొన్న ఇరువురు
శారదా కుంభకోణానికి సంబంధించి అప్పటి కోల్కతా పోలీసు కమిషనర్ రాజీవ్ కుమార్పై కేంద్ర దర్యాప్తు సంస్థ(సీబీఐ) చర్యలు తీసుకోవటంపై ముఖ్యమంత్రి మమతా బెనర్జీ కొన్ని వారాల కిందట ధర్నా చేశారు. ఇందులో అనుజ్శర్మ, జ్ఞాన్పంత్సింగ్లు పాల్గొన్నారు. దీనిపై అప్పుడే విమర్శలు వెల్లువెత్తాయి.
విమానాశ్రయంలో మొదలైన వివాదం
తృణమూల్ కాంగ్రెస్ ఎంపీ అభిషేక్ బెనర్జీ భార్య రుజిరా కోల్కతా విమానాశ్రయంలో బంగారంతో దొరికనట్లు ఆరోపణలున్నాయి. బిదాన్నగర్ పోలీసు కమిషనర్ జ్ఞాన్వంత్ సింగ్కు భారతీయ జనతా పార్టీ ఫిర్యాదు చేసింది. ఈ సంఘటనలో పోలీసుల సహాయం చేసినట్లు వస్తున్న ఆరోపణలు నిజమైతే.. జ్ఞాన్పంత్ను బాధ్యుడిని చేయాలని భాజపా డిమాండ్ చేస్తోంది.
