జమ్ముకశ్మీర్ విభజన బిల్లును ఇటీవలే పార్లమెంటు ఆమోదించింది. రాష్ట్రపతి రాజముద్రతో రాష్ట్రం రెండు కేంద్ర పాలిత ప్రాంతాలుగా విడిపోయింది. ఈ నేపథ్యంలో ఎన్నికల సంఘం మంగళవారం సమావేశమైంది. రాష్ట్రంలో నెలకొన్న తాజా పరిణామాలు, రాష్ట్ర పునర్వ్యవస్థీకరణ, అసెంబ్లీ ఎన్నికలపై ఈసీ అనధికారికంగా చర్చించినట్టు సమాచారం.
ఇదీ చూడండి:- 370 రద్దుతో కశ్మీర్లో వచ్చే మార్పులివే...
సీనియర్ అధికారులు జమ్ము విభజన బిల్లుపై ఎన్నికల కమిషనర్, ఇతర సభ్యులకు వివరించినట్టు తెలుస్తోంది. అయితే విభజన చట్టంపై కేంద్ర హోంశాఖ ఎన్నికల సంఘానికి అధికారికంగా లేఖ రాయాల్సి ఉంది. అధికారిక లేఖ అందిన అనంతరం కేంద్ర హోంశాఖ, జమ్ముకశ్మీర్ అధికారులతో చర్చలు జరపనుంది ఈసీ.
రెండు కేంద్ర పాలిత ప్రాంతాలు...
అసెంబ్లీ ఉన్న కేంద్ర పాలిత ప్రాంతంగా జమ్ముకశ్మీర్, అసెంబ్లీ లేని కేంద్ర పాలిత ప్రాంతంగా లద్దాఖ్ను విభజించింది మోదీ సర్కారు. సెక్షన్ 60 ప్రకారం జమ్ముకశ్మీర్ శాసనసభలో సీట్లు 107 నుంచి 114కు పెరుగుతాయి.
ఇదీ చూడండి:- 'లద్దాఖ్లోనే కేంద్ర పాలన-కశ్మీర్లో ఎక్కువ కాలం కాదు'
