ఈబీసీ కోటాపై ఏప్రిల్ 8న విచారించనున్న సుప్రీం
పిటిషనర్ తరఫున వాదనలు వినిపించిన సీనియర్ న్యాయవాది రాజీవ్ ధావన్.. కేసును రాజ్యాంగ ధర్మాసనానికి అప్పగించాలని అభ్యర్థించారు. రాజ్యాంగ ధర్మాసనం ముందు హాజరవుతానని అటార్నీ జనరల్ కేకే వేణుగోపాల్ సైతం సుప్రీంకు నివేదించారు. ఈ అభ్యర్థనలు విన్న జస్టిస్ బాబ్డే, జస్టిస్ నజీర్లతో కూడిన ధర్మాసనం కేసు విచారణను రాజ్యాంగ ధర్మాసనానికి సిఫారసు చేసింది.
"నేను రాజ్యాంగ ధర్మాసనం ముందు హాజరు కావాలనుకుంటున్నా. అనుమతించండి" - కేకే వేణుగోపాల్, అటార్నీ జనరల్.
అగ్రవర్ణాల్లోని పేదలకు విద్యా, ఉద్యోగాల్లో రిజర్వేషన్లు కల్పించే ఈ చట్టంపై స్టే విధించాలన్న పిటిషన్ను ఇంతకుముందు సుప్రీం కొట్టేసింది.
అగ్రవర్ణాల్లోని పేదలకు మేలు చేకూర్చే ఈ చట్టం జనవరి 8న పార్లమెంటు ఆమోదం పొందింది. జనవరి 9 న రాష్ట్రపతి ఆమోదముద్ర వేశారు.
ఇదీ చూడండి:'రామ్ కీ జన్మభూమి' వాయిదాకు సుప్రీం నిరాకరణ
