దేశమంతా ఈస్టర్.. క్రైస్తవుల ఆనందోత్సాహాలు

దేశవ్యాప్తంగా ఏసుక్రీస్తు పునరుత్థానదినం వేడుకలు అంగరంగ వైభవంగా జరుగుతున్నాయి. ముంబై, చెన్నై, పుదుచ్ఛేరి, తిరువునంతపురం సహా అన్ని ప్రధాన నగరాల్లోని చర్చిలు ఈస్టర్​ వేడుకలతో శోభిల్లుతున్నాయి.

దేశవ్యాప్తంగా ఈస్టర్​ వేడుకలు ఘనంగా జరుగుతున్నాయి. ఏసు ప్రభువు పునరుత్థాన దినాన్ని పురస్కరించుకుని క్రైస్తవ సోదర సోదరీమణులు చర్చిల్లో ప్రత్యేక ప్రార్థనలు నిర్వహించారు. కేరళలో అర్ధరాత్రి నుంచే ఈస్టర్​ పర్వదినం సంబరాలు మొదలయ్యాయి. కాథెడ్రల్​ చర్చిలో క్రైస్తవులు ప్రత్యేక ప్రార్థనలు నిర్వహించారు.

ముంబై, చెన్నై, పుదుచ్ఛేరి సహా అన్ని ప్రధాన నగరాల్లోని చర్చిలు ఈస్టర్​ శోభతో కళకళలాడుతున్నాయి. క్రైస్తవ మతపెద్దలు మానవాళి పట్ల క్రీస్తు చూపించిన ప్రేమ, త్యాగం, కరుణ వంటి అంశాల గురించి వివరిస్తున్నారు. క్రీస్తు ఆరాధన గీతాలు, సందేశాలను చిన్నా పెద్దా అందరూ ఎంతో శ్రద్ధగా ఆలకిస్తున్నారు.