కరోనా ఎఫెక్ట్​: విద్యాసంస్థలు, సినిమా హాళ్లు అన్నీ బంద్​

కరోనా వైరస్​ కేసులు రోజురోజుకు పెరుగుతున్న నేపథ్యంలో అధికార యంత్రాంగాలు మరింత అప్రమత్తమయ్యాయి. దిల్లీలో పాఠశాలలకు ఇప్పటికే సెలవులు ప్రకటించగా, ఇప్పుడు సినిమా హాళ్లనూ మూసివేయనున్నట్లు కేజ్రీవాల్ సర్కార్ తెలిపింది. రాష్ట్రపతి భవన్​కు పర్యటకుల సందర్శనను రేపటి నుంచి నిలిపివేస్తున్నారు. అనవసర ప్రయాణాలు చేయొద్దని విదేశీ మంత్రిత్వశాఖ సూచించింది.

కరోనా వైరస్ వ్యాప్తికి అడ్డుకట్ట వేసేందుకు అధికారులు గట్టి చర్యలు చేపడతున్నారు. పలు జాగ్రత్తలు పాటించాలని సూచిస్తున్నారు. ప్రజలు అనవసర ప్రయాణాలు చేయకూడదని విదేశీ వ్యవహారాల మంత్రిత్వ శాఖ సూచించింది. ఎలాంటి భయాందోళనకు గురికావద్దని పేర్కొంది.

దిల్లీ థియేటర్లు బంద్​..

కరోనా వైరస్ కారణంగా దిల్లీలో ఇప్పటికే పాఠశాలలు, కళాశాలలకు సెలవు ప్రకటించారు. ఇప్పుడు సినిమా హాళ్లనూ మార్చి 31వరకు మూసివేస్తున్నట్లు కేజ్రీవాల్ సర్కార్​ తెలిపింది.

రాష్ట్రపతి భవన్​న్​కు నో ఎంట్రీ.

కరోనా వ్యాప్తి నేపథ్యంలో రేపటి నుంచి రాష్ట్రపతి భవన్​కు సందర్శకులకు అనుమతి లేదని అధికారులు తెలిపారు.

నో షేక్​ హ్యాండ్​..

కరోనా వైరస్ కారణంగా లాయర్లు ఎవరూ కరచాలనం చేసుకోవద్దని బాంబే బార్ అసోసియేషన్ సూచించింది. అందరూ దీనిని పాటించాలని తెలిపింది.

మరో 7 నిర్బంధ కేంద్రాలు..

ముందు జాగ్రత్త చర్యగా కరోనా బాధితుల కోసం అదనంగా మరో ఏడు నిర్బంధ కేంద్రాలను ఏర్పాటు చేసింది రక్షణ మంత్రిత్వ శాఖ. విదేశాల నుంచి వచ్చే భారతీయుల కోసం వీటిని ఏర్పాటు చేసినట్లు అధికారులు తెలిపారు.

ఇదీ చదవండి:ట్రంప్​తోపాటు ఆ దేశాధినేతకూ కరోనా ముప్పు!