చైనాతో ఉద్రిక్తతల నేపథ్యంలో సరిహద్దులో రోడ్డు నిర్మాణ కార్యకలాపాలను వేగవంతం చేసింది భారత ప్రభుత్వం. ఈ నేపథ్యంలో మంగళవారం.. సరిహద్దు రోడ్డు సంస్థ(బీఆర్ఓ) అధికారులతో కీలక సమీక్షా సమావేశాన్ని నిర్వహించారు రక్షణమంత్రి రాజ్నాథ్ సింగ్.
గంటకుపైగా జరిగిన ఈ భేటీలో.. బీఆర్ఓ చీఫ్ లెఫ్టినెంట్ జనరల్ హర్పాల్ సింగ్.. వాస్తవాధీన రేఖ, నియంత్రణ రేఖ వెంబడి జరుగుతున్న రోడ్డు నిర్మాణ కార్యకలాపాలను రాజ్నాథ్కు వివరించారు. ఎట్టిపరిస్థితుల్లోనైనా ప్రాజెక్టులు అనుకున్న సమయానికే పూర్తి చేస్తామని రక్షణమంత్రికి హామీనిచ్చారు లెఫ్టినెంట్ జనరల్. ఇందుకోసం రక్షణ, హోం, రవాణా శాఖలు కలిసిగట్టుగా పనిచేస్తున్నాయని వెల్లడించారు.
గత రెండు నెలలుగా భారత్-చైనా మధ్య వాస్తవాధీన రేఖ వెంబడి ప్రతిష్టంభన కొనసాగుతోంది. గల్వాన్ లోయ ఘటనతో ఈ వివాదం మరింత ముదిరింది. అనంతరం పరిస్థితిని అదుపు చేసేందుకు ఇరు దేశాలు చర్చలు జరుపుతున్నాయి. ఈ నేపథ్యంలో సరిహద్దుల్లో రోడ్డు నిర్మాణ కార్యకలాపాలను తీవ్రంగా పరిగణించింది కేంద్రం.
ఇదీ చూడండి:- కశ్మీర్ పుల్వామాలో ఎన్కౌంటర్- జవాను మృతి
