'పోలీసు అవినీతి'పై లంచాలు తీసుకుంటూ నిరసన

తమిళనాడు తూత్తుకుడి జిల్లాలో లంచం మహమ్మారి ఓ వ్యాపారిని విసుగుచెందేలా చేసింది. ట్రాఫిక్​ పోలీసు పదే పదే లంచం ఇవ్వాలని ప్రజలపై ఒత్తిడి చేస్తున్న విషయాన్ని వెలుగులోకి తెచ్చేందుకు వినూత్న ఆలోచన చేశారు.  అదేంటో మీరే చూడండి...

తమిళనాడులో ఎంజీఆర్​ అమ్మ దీపా పెర్​వాయీ పార్టీకి చెందిన నాయకుడు సుబ్రమణియన్​​ లంచగొండి అధికారిపై వినూత్న రీతిలో నిరసన తెలిపారు. ట్రాఫిక్​ పోలీసు వేషం వేసుకుని తూత్తుకుడి కలెక్టర్​ కార్యాలయం ఎదుట లంచాలు వసూలు చేశారు. ఆ సమయంలో కలెక్టర్​ లోపలే ఉన్నారు.

సమాచారం అందుకున్న పోలీసులు సుబ్రమణియన్​ను అదుపులోకి తీసుకుని విచారించారు. తాను నగరంలో నీటి క్యాన్ల వ్యాపారం చేస్తున్నట్లు తెలిపారు సుబ్రమణియన్​. స్థానికుల నుంచి ట్రాఫిక్​ పోలీసు ఇన్స్​పెక్టర్​ ఒకరు తరచుగా లంచాలు తీసుకుంటున్న విషయాన్ని పై అధికారుల దృష్టికి తీసుకెళ్లేందుకే ఇలా చేశానని చెప్పారు.

మరోమారు ఇలా చేయొద్దని హెచ్చరించి సుబ్రమణియన్​ను విడిచిపెట్టారు పోలీసులు.

ఇదీ చూడండి: మహారాష్ట్ర: 47 మందిని బలి తీసుకున్న వర్షాలు