కార్పొరేటర్​ సాహసం- నగర ప్రజల ప్రశంసలు

ప్రజల సమస్యలను పరిష్కరించాలంటే అదిగో చూస్తాం, ఇదిగో చేస్తాం.. అని పబ్బం గడుపుతుంటారు కొందరు నాయకులు. తక్షణమే స్పందించే వారు చాలా అరుదు. అలాంటిది ఏకంగా తానే స్వయంగా రంగంలోకి దిగారు ఓ కార్పొరేటర్​. సుదీర్ఘకాలంగా నగరంలో ఉన్న డ్రైనేజ్​ సమస్యను పరిష్కరించి.. స్థానికులచే శెభాష్​ అనిపించుకున్నారు.

కర్ణాటక మంగళూరులోని ఓ డ్రైనేజీకి స్వయంగా మరమ్మతులు చేసి స్థానికుల మన్ననలు పొందారు అక్కడి కార్పొరేటర్​ కాద్రీ మనోహర్​ శెట్టి.

కొద్దికాలంగా నగరంలో డ్రైనేజ్​ వ్యవస్థ సరిగా లేదు. ఫలితంగా కాద్రీ కంబళ రోడ్​లో వర్షపు నీరు నిలిచిపోయింది. ఏటా వర్షా కాలంలో ఇలానే జరుగుతోందని అక్కడి ప్రజలు కార్పొరేటర్​ మనోహర్​కు మొరపెట్టుకున్నారు.

కూలీలు నిరాకరించినా..

తక్షణమే డ్రైనేజ్​ వ్యవస్థను బాగుచేయించడానికి అన్ని ఏర్పాట్లు పూర్తిచేశారా కార్పొరేటర్​. కానీ ఆ మురికిగుంటలోకి దిగేందుకు కూలీలు సాహసించలేదు. ఫలితంగా కాద్రీయే స్వయంగా రంగంలోకి దిగారు. మరో నలుగురు కూలీల సాయంతో డ్రైనేజ్​ వ్యవస్థను బాగుచేశారు.

డ్రైనైజ్​లోకి దిగుతున్న కార్పొరేటర్

ఇదీ చదవండి: 21 అడుగుల పద్యంతో ప్రపంచ రికార్డు