పార్లమెంటు సమావేశాల నేపథ్యంలో అనుసరించాల్సిన వ్యూహాలు, సభలో మాట్లాడాల్సిన అంశాలపై పూర్తి అవగాహన ఏర్పడటం కోసం కాంగ్రెస్ తన సభ్యులకు ప్రత్యేక తరగతులు ఏర్పాటు చేస్తోంది. పార్టీ ఎంపీలు ప్రతి పనిదినాన ఉదయం 10.30 గంటలకు పార్లమెంట్ భవనంలోని గది నెం.25లో సమావేశం కావాలని విప్ జారీ చేసింది.
అలాగే పార్లమెంట్ సమావేశాలు జరుగుతున్న సమయంలో... ఇదే గదిలో ప్రతి మంగళవారం ఉదయం 10.15 గంటలకు సమావేశం కావాలని కాంగ్రెస్ పార్టీ తన లోక్సభ ఎంపీలందరికీ మరో విప్ జారీచేసింది.
కొత్త విప్లు
కాంగ్రెస్ పార్టీ... లోక్సభలో పార్టీ విప్లుగా గౌరవ్ గొగొయి, మాణికం ఠాగూర్లను బుధవారం నియమించింది. పార్టీ చీఫ్ విప్ కె.సురేష్కు పార్లమెంటరీ వ్యవహారాల్లో సహాయంగా నిలుస్తారని తెలిపింది.
గౌరవ్ గొగొయి.. అసోం నుంచి, మాణికం ఠాగూర్... తమిళనాడు నుంచి లోక్సభ ఎంపీలుగా ప్రాతినిధ్యం వహిస్తున్నారు.
జూన్ 17న మొదలైన పార్లమెంట్ బడ్జెట్ సమావేశాలు.... జులై 26 వరకు కొనసాగనున్నాయి.
ఇదీ చూడండి: గోవా: భాజపాలో చేరిన 10 మంది కాంగ్రెస్ ఎమ్మెల్యేలు
