సచిన్ పైలట్ వ్యవహారం అనంతరం రాజస్థాన్లో పార్టీ ప్రక్షాళన దిశగా అడుగులు వేస్తోంది కాంగ్రెస్. అన్ని జిల్లా, బ్లాక్ కమిటీలను రద్దు చేసింది. త్వరలోనే నూతన కమిటీలు ఏర్పడతాయని ఏఐసీసీ ప్రకటించింది.
పార్టీ బాధ్యతల నుంచి సచిన్ అనుచరులను తొలగించేందుకే కాంగ్రెస్ ఈ నిర్ణయం తీసుకుందని సమాచారం.
సచిన్పై గహ్లోత్ మండిపాటు...
రెబల్ నేత సచిన్ను డిప్యూటీ సీఎం, పీసీసీ చీఫ్ పదవుల నుంచి తొలగించిన ఒక రోజు అనంతరం ఆయనపై తీవ్రంగా మండిపడ్డారు ముఖ్యమంత్రి అశోక్ గహ్లోత్. భాజపాతో కలిసి సచిన్ బేరసారాలకు పాల్పడ్డారని ఆరోపించారు. ప్రభుత్వాన్ని కుప్పకూల్చేందుకు జరిగిన కుట్రలకు సంబంధించి తన వద్ద ఆధారాలున్నాయని వెల్లడించారు.
ఇదే క్రమంలో జాతీయ మీడియాపై గహ్లోత్ విరుచుకుపడ్డారు. ప్రజాస్వామ్యాన్ని నాశనం చేస్తున్న వారికి మీడియా మద్దతుగా నిలిస్తోందని ధ్వజమెత్తారు.
ఇవీ చూడండి:-
నేను భాజపాలో చేరడం లేదు: సచిన్ పైలట్
