కర్ణాటకలోని శాండిల్వుడ్ డ్రగ్స్ రాకెట్ బయటపడిన నేపథ్యంలో అప్రమత్తమైన పోలీసులు.. తనిఖీలు ముమ్మరం చేశారు. ఈ క్రమంలో 2.2కిలోల గంజాయి చాక్లెట్లు పట్టుబడ్డాయి. బెంగళూరులో గంజాయి చాక్లెట్లు పట్టుకోవడం ఇదే తొలిసారి అని అధికారులు తెలిపారు.
బెంగళూరు నగరంలో కళాశాల విద్యార్థులు, యువతకు గంజాయిని చాక్లెట్ రూపంలో విక్రయిస్తున్నాడు ఓ దుకాణాదారుడు. ఈ మేరకు సమాచారం అందుకున్న పోలీసులు.. సుబ్రమణ్యనగర్లోని బీడా దుకాణంపై దాడులు చేసి, 2.2కిలోల మాదకద్రవ్యాలను స్వాధీనం చేసుకున్నారు. అయితే షాపు యజమాని పరారైనట్లు పోలీసులు తెలిపారు.
ఉత్తర్ప్రదేశ్ నుంచి..
ఈ డ్రగ్స్ చాక్లెట్లు ఉత్తర్ప్రదేశ్ నుంచి నగరంలోకిి దిగుమతి అవుతున్నట్లు అధికారులు తెలిపారు. ఇవి అచ్చం పిల్లలు తినే చాక్లెట్లను పోలి ఉన్నాయని.. ఒక్కోదాన్ని రూ.50 చొప్పున అమ్ముతున్నట్లు చెప్పారు.
ఇదీ చూడండి: ఆ విషయంలో భారత్ కన్నా పాకిస్థాన్ భేష్: రాహుల్
