కన్నవారికి కుమార్తె అంతిమ సంస్కారాలు

శుక్రవారం అర్ధరాత్రి ఛత్తీస్​గఢ్​లో ఘోర రోడ్డు ప్రమాదం జరిగింది. బలౌదా బజార్​ జిల్లా కుసమిలో ఓ కారు, టాక్సీ ఢీకొన్న ఘటనలో భార్యాభర్తలు అక్కడికక్కడే మృతి చెందారు. కుమార్తెతో దహనసంస్కారాలు నిర్వహించారు.

కొన్ని ఫొటోలు చూస్తే నోట మాట రాదు. చిత్రంలోని హృదయ విదారక దృశ్యాలే ఒళ్లు గగుర్పొడిచేలా చేస్తాయి. అలాంటి సంఘటనే ఛత్తీస్​గఢ్​లో జరిగింది. అమ్మానాన్న ఎక్కడా అంటూ ఏడ్చిన పిల్లల రోదన కఠిన హృదయుల్ని సైతం కన్నీళ్లు పెట్టుకునేలా చేశాయి. బలౌదా బజార్ జిల్లాలో జరిగిన ప్రమాదంలో భార్యాభర్తలు అక్కడికక్కడే ప్రాణాలు కోల్పోయారు.

బలౌదా బజార్​కు చెందిన యోగేంద్ర సోని జువెల్లరీ షాప్​ నిర్వహిస్తున్నారు. శుక్రవారం వ్యాపారానికి సెలవు కారణంగా కుటుంబంతో కలిసి షాపింగ్​కు వెళ్లి తిరిగి వస్తున్నారు. ఈ క్రమంలో వారు ప్రయాణిస్తున్న కారును ఓ టాక్సీ ఢీకొట్టింది. ఈ ప్రమాదంలో యోగేంద్ర.. ఆయన సతీమణి గీతా సోని అక్కడికక్కడే మృతి చెందారు. యోగేంద్ర కుమార్తెలిద్దరూ గాయపడ్డారు.

చూస్తే కన్నీరాగదు

ఏడుస్తూ అమ్మానాన్న ఎక్కడా అని పిల్లలు అడగడం అక్కడున్న వారందరినీ కంటతడి పెట్టించింది. కుమార్తెల రోదనతో వారి హృదయాలు ద్రవించాయి. చాలా సమయం అనంతరం వారికి తల్లిదండ్రుల మృతి గురించి తెలిసింది.

కూతురితో అంతిమ సంస్కారాలు

పెద్ద కుమార్తెకు తీవ్ర గాయాలవడం కారణంగా రాయ్​పుర్​లోని ఆసుపత్రిలో చికిత్స పొందుతోంది. చిన్న కుమార్తెతో అంతిమ సంస్కారాలు నిర్వహించారు.

మరణంలోనూ వీడని పెళ్లి బంధం

యోగేంద్ర్ సోని, గీతా సోనిల మృత దేహాలకు ఒకేసారి దహన సంస్కారాలు నిర్వహించారు. మరణంలోనూ పెళ్లి బంధం వీడలేదని పలువురు ఆవేదన వ్యక్తం చేశారు.

ఇదీ చూడండి: మోదీ, కేంద్రమంత్రుల ప్రయాణాల ఖర్చు రూ.393కోట్లు