మందుపాతర పేలి ఇద్దరు పౌరులకు గాయాలు

ఛత్తీస్​గఢ్​లో జరిగిన పేలుడులో ఇద్దరు స్థానికులకు గాయాలయ్యాయి. భద్రతా దళాలే ప్రధాన లక్ష్యంగా చేసుకొని మావోయిస్టులు మందుపాతర పేల్చారని పోలీసులు అనుమానం వ్యక్తం చేస్తున్నారు.

ఛత్తీస్​గఢ్​లో నక్సల్స్​ అమర్చిన మందుపాతర పేలి ఇద్దరు స్థానికులకు గాయాలయ్యాయి. బీజాపూర్ జిల్లా గంగూరు పోలీస్​స్టేషన్​ పరిధిలోని రాజుపేట వద్ద ఉదయం 9 గంటల ప్రాంతంలో ఓ ప్రైవేటు వాహనం వెళ్తుండంగా ఈ ఘటన జరిగిందని పేర్కొన్నారు.

నుజ్జునుజ్జ అయిన వాహనం

మందుపాతర పేలిన ప్రాంతం

పేలుడుతో బోల్తా పడిన వాహనం

వెంటనే ప్రమాదం జరిగిన చోటుకు చేరుకొన్న భద్రతా సిబ్బంది గాయపడిన వారిని స్థానిక ఆసుపత్రిలో చేర్పించారు.

భద్రతా బలగాలే లక్ష్యంగా నక్సల్స్ ఈ దాడికి కుట్ర పన్నగా పొరపాటున పౌరుల వాహనం వచ్చినప్పుడు పేలుడు జరిగి ఉంటుందని అధికారులు తెలిపారు.