'నిర్భయ ఫండ్​' వివరాలు వెల్లడించిన కేంద్రం

2014లో ప్రారంభమైన 'నిర్భయ ఫండ్​' పేరిట కేంద్రం ఇప్పటివరకు రూ.9,288 కోట్లు వెచ్చించినట్లు అంచనా వేసింది. వివిధ మంత్రిత్వ శాఖలు దాదాపు రూ. 3,544 కోట్లు ఇప్పటికే విడుదల చేసినట్లు పేర్కొంది.

'నిర్భయ ఫండ్​' ద్వారా వివిధ పథకాలు, ప్రాజెక్టులపై ఇప్పటివరకు రూ.9288.45 కోట్లు వెచ్చించినట్లు కేంద్రం అంచనా వేసింది. దేశంలోని మహిళల సంరక్షణ కోసం 2014లో నిర్భయ నిధిని ఏర్పాటు చేసింది కేంద్రం.

'నిర్భయ ఫండ్'​ వివరాలు

వివిధ ప్రాజెక్టులకు రూ.5,712.85 కోట్లు కేటాయించగా, సంబంధిత మంత్రిత్వ శాఖలు రూ.3,544.06 కోట్లు విడుదల చేసినట్లు కేంద్రం వెల్లడించింది. దీనికి సంబంధించిన నిధి కేటాయింపులపై ఎంపవర్డ్​ కమిటీ(ఈసీ) అధికారులు నిర్ణయం తీసుకున్నట్లు తెలిపింది. ఈసీ అనుమతి పొందాకే... రాష్ట్రాలు, కేంద్రపాలిత ప్రాంతాలు ఈ ఫండ్​ను విడుదల చేస్తాయని పేర్కొంది.

ఇదీ చదవండి:దిల్లీ ఓఖ్లా పారిశ్రామిక ప్రాంతంలో అగ్నిప్రమాదం