శంకర్ దర్శకత్వంలో కమల్హాసన్ కథానాయకుడిగా తెరకెక్కుతున్న భారతీయుడు -2 చిత్రీకరణ సమయంలో భారీ క్రేన్ విరిగిపడి ముగ్గురు మృతి చెందిన ఘటనపై సీబీసీఐడీ విచారణ చేపట్టింది. ఇప్పటి వరకు సినిమా సెట్ మేనేజర్, క్రేన్ యజమాని, ఆపరేటర్లు సహా మొత్తం ఆరుగురిని విచారించిన అధికారులు.. చిత్ర దర్శకుడు శంకర్ను గురువారం మూడు గంటలపాటు ప్రశ్నించారు. త్వరలో హీరో కమల్హాసన్ను సైతం సీబీసీఐడీ విచారించనున్నట్లు తెలుస్తోంది.
ప్రమాదానికి సంబంధించి చిత్ర నిర్మాణ సంస్థ లైకా ప్రొడక్షన్స్, క్రేన్ ఆపరేటర్లపై కేసులు నమోదయ్యాయి. సినీ కార్మికుల భద్రతపై పలువురు ప్రశ్నలు లేవనెత్తడం వల్ల ఈ కేసు సీబీసీఐడీ విచారణకు రాష్ట్ర ప్రభుత్వం ఆదేశించింది.
ఇదీ చూడండి: అమెరికా మతస్వేచ్ఛ కమిషన్ వ్యాఖ్యలను ఖండించిన కేంద్రం
