గతంలో ఎన్నడూ లేనంతగా దేశవ్యాప్తంగా పెరిగిన ఉల్లి ధరలపై ప్రజలు తీవ్ర అసహనంతో ఉన్నారు. ఈ విషయంలో కేంద్రమంత్రి రామ్ విలాస్ పాసవాన్ ప్రజల్ని తప్పుదోవ పట్టించి మోసం చేశారని సివిల్ కోర్టును ఆశ్రయించాడు ఉత్తర్ప్రదేశ్ ముజఫర్పుర్కు చెందిన ఎం.రాజు నయ్యర్.
కేంద్ర వినియోగదారు వ్యవహారాల మంత్రిగా ఉన్నప్పటికీ ఉల్లి ధరలను పాసవాన్ తెలుసుకోలేకపోయారని ఫిర్యాదులో పేర్కొన్నాడు రాజు. కూరగాయల ధరలు పెరగడానికి అక్రమ నిల్వలే కారణమని చెప్పి ప్రజలను కేంద్రమంత్రి తప్పుదోవ పట్టించారని ఆరోపించాడు. ఈ కేసుపై డిసెంబరు 12న విచారణ చేపట్టనున్నారు చీఫ్ జుడీషియల్ మెజిస్ట్రేట్ సూర్యకాంత్ తివారీ.
ఇదీ చూడండి: కేంద్ర ప్రభుత్వం ఇకనైనా నిద్ర మేల్కొనాలి : కాంగ్రెస్
