మధ్యప్రదేశ్ ఉప ఎన్నికలు సమీపిస్తున్న వేళ.. కాంగ్రెస్ సీనియర్ నేత, రాష్ట్ర మాజీ ముఖ్యమంత్రి కమల్నాథ్ చేసిన వ్యాఖ్యలపై తీవ్ర రాజకీయ దుమారం చెలరేగింది. కాంగ్రెస్ తరఫున ఆదివారం ఎన్నికల ప్రచారం నిర్వహించిన కమల్నాథ్.. భాజపా మహిళా అభ్యర్థి ఇమార్తీ దేవిపై అనుచిత వ్యాఖ్యలు చేశారు.
మధ్యప్రదేశ్లో కాంగ్రెస్ ప్రభుత్వం కుప్పకూలే సమయానికి ఇమార్తీ దేవి రాష్ట్ర కేబినెట్ మంత్రిగా ఉన్నారు. అనంతరం భాజపా గూటికి చేరి తాజాగా ఉపఎన్నికల్లో పోటీచేస్తున్నారు. దేవి కాంగ్రెస్కు ద్రోహం చేశారని.. ఆమె వ్యవహారం తనకు ముందు తెలియదని పేర్కొన్నారు కమల్నాథ్. ఈ నేపథ్యంలోనే పలు అనుచిత వ్యాఖ్యలు చేశారు.
-
#WATCH: Our candidate is not like her... what's her name? (people shout Imarti Devi, who is former State Minister) You know her better and should have warned me earlier... ye kya item hai: Former Madhya Pradesh CM & Congress leader Kamal Nath pic.twitter.com/eW76f2z8gU
— ANI (@ANI) October 18, 2020 " class="align-text-top noRightClick twitterSection" data="
">#WATCH: Our candidate is not like her... what's her name? (people shout Imarti Devi, who is former State Minister) You know her better and should have warned me earlier... ye kya item hai: Former Madhya Pradesh CM & Congress leader Kamal Nath pic.twitter.com/eW76f2z8gU
— ANI (@ANI) October 18, 2020#WATCH: Our candidate is not like her... what's her name? (people shout Imarti Devi, who is former State Minister) You know her better and should have warned me earlier... ye kya item hai: Former Madhya Pradesh CM & Congress leader Kamal Nath pic.twitter.com/eW76f2z8gU
— ANI (@ANI) October 18, 2020
'అది నా తప్పా?'
కమల్నాథ్ వ్యాఖ్యలను తీవ్రంగా ఖండించారు ఇమార్తీ దేవి. ఆయన్ను పార్టీ నుంచి వెంటనే తొలగించాలని కాంగ్రెస్ అధ్యక్షురాలు సోనియా గాంధీని డిమాండ్ చేశారు.
"ఓ పేద ఎస్సీ కుటుంబం నుంచి రావడం నేను చేసిన తప్పా? కమల్నాథ్ లాంటి వారిని కాంగ్రెస్లో ఉండనీయరాదని నేను సోనియాను కోరుతున్నా. నా మీదే ఇలాంటి వ్యాఖ్యలు చేస్తే.. ఇక ఎస్సీ సంఘంలోని మహిళల పరిస్థితి ఏంటి? మహిళలు ముందడుగు ఎలా వేస్తారు?"
--- ఇమార్తీ దేవి, భాజపా నేత.
కమల్నాథ్ను ఇన్నేళ్లు సోదరుడిగా భావించానని... కానీ ఆయన తనను అగౌరపరిచారని ఆవేదన వ్యక్తం చేశారు ఇమార్తీ దేవి. నిజానికి జ్యోతిరాదిత్య సింధియా వల్లే తాను కేబినెట్ మంత్రి పదవి చేపట్టానని.. కమల్నాథ్ తనను చిన్నచూపు చూసేవారని ఆరోపించారు. కమల్నాథ్ వంటి వ్యక్తులకు గుణపాఠం చెప్పాలని భాజపాను కోరారు.
ఇదీ చూడండి:- ప్రజల కోసం కాంగ్రెస్ నేతలు ఉద్యమించాలి: సోనియా
భాజపా ఆగ్రహం...
కమల్నాథ్ వ్యాఖ్యలపై భాజపా తీవ్రస్థాయిలో విరుచుకుపడింది. రాష్ట్ర మహిళలను కమల్నాథ్ అగౌరపరుస్తున్నారని ఆరోపించింది. ఇదే విషయాన్ని ఎన్నికల సంఘం దృష్టికి తీసుకెళ్లింది.
నిరసనలు...
కమల్ వ్యాఖ్యలకు వ్యతిరేకంగా.. భాజపా నేతలు నిరసన బాటపట్టారు. మధ్యప్రదేశ్ ముఖ్యమంత్రి శివరాజ్ సింగ్ చౌహాన్, ఇతర నేతలు రెండు గంటల పాటు 'మౌన వ్రతం' నిర్వహించారు. కాంగ్రెస్కు దీర్ఘకాలం సేవ చేసిన మహిళపై ఇలాంటి వ్యాఖ్యలు చేయడం ఏంటని ప్రశ్నించారు. ద్రౌపదిని కించపరచడం వల్లే మహాభారత యుద్ధం జరిగిందని గుర్తుచేశారు.
"కమల్నాథ్జీ... ద్రౌపదిని అగౌరపరచడం వల్ల మహాభారత యుద్ధాన్ని చూసిన దేశమిది. ఆ యుద్ధంలో ఓ కుటుంబం నాశనమయ్యింది. మీరు చేసిన వ్యాఖ్యలను ప్రజలు సహించరు. ఇది సిగ్గుచేటు."
--- శివరాజ్ సింగ్ చౌహాన్, మధ్యప్రదేశ్ ముఖ్యమంత్రి.
మరోవైపు ఇండోర్లోని రీగల్ స్క్వేర్ వద్ద.. భాజపా రాజ్యసభ ఎంపీ జ్యోతిరాదిత్య సింధియా, లోక్సభ సభ్యుడు శంకర్ లాల్వాని మౌన దీక్ష చేపట్టారు.
మధ్యప్రదేశ్లో 28 అసెంబ్లీ స్థానాలకు వచ్చే నెల 3న ఎన్నికలు జరగనున్నాయి.
ఇదీ చూడండి:- కశ్మీర్ను చైనాలో భాగంగా చూపిన ట్విట్టర్- నెటిజన్ల ఫైర్
