సాధారణంగా అయోధ్య అనగానే అందరికీ శ్రీరాముడి జన్మస్థలం గుర్తొస్తుంది. కానీ అయోధ్య మతసామరస్యానికి మారుపేరుగా నిలుస్తోంది. ఇందుకు గుజరాతీ ధర్మశాలలో ఉన్న సత్యార్థ్ దేవాలయం ఓ ఉదాహరణ. మతసామరస్యానికి, దేశంలోని సోదరభావానికి ఈ ఆలయం ఓ ప్రతీక. ఈ ఆలయంలో శ్రీరాముడి విగ్రహంతో పాటు ఏసుక్రీస్తు ప్రతిమ దర్శనమిస్తుంది.
అంతేకాదు ఇస్లాం, సిక్కిజం, జైనిజం, బుద్ధిజం, జొరాస్ట్రైన్ ఇలా వివిధ మతాలకు సంబంధించిన విగ్రహాలు ఇక్కడ కనిపిస్తాయి. వారివారి మతవిశ్వాసాలకు అనుగుణంగా ఇక్కడ ప్రతి ఒక్కరు తలవంచుతారు.
3 దశాబ్దాలుగా..
హనుమాన్ గఢీ సమీపంలో ఉండే గుజరాతీ ధర్మశాలలోని ఈ ఆలయం మూడు దశాబ్దాల కిందటిది.
ఎందరో ప్రముఖులు..
సామాజిక కార్యకర్త గౌరవ్ తివారీ తన చిన్నప్పటి నుంచి ఈ ఆలయాన్ని దర్శిస్తున్నట్లు చెప్పారు. భక్తులు తమ విశ్వాసాలకు అనుగుణంగా ఇక్కడ పూజలు చేస్తారని పేర్కొన్నారు.
బాబ్రీ మసీదు కేసులో కీలక పిటిషన్దారు ఇక్బాల్ అన్సారీ, శ్రీ రామ్లల్లా ప్రధాన పూజారి సత్యేంద్ర దాస్ సైతం ఈ ఆలయ భక్తులు కావడం విశేషం.
ఈ అయోధ్యలో ప్రతి మతానికి ఒక గౌరవం ఉంది. సత్యార్థ్ ఆలయంలో ప్రతి మతానికి సంబంధించిన చిహ్నాలు మనకు కనిపిస్తాయి. భక్తులు వారి మతవిశ్వాసాల ప్రకారం ఇక్కడ భక్తిగా ఉంటారు. దేశ ప్రజలు హిందూ-ముస్లిం అనుబంధాన్ని చూడాలంటే ఈ ఆలయాన్ని సందర్శించాలి.
- ఇక్బాల్ అన్సారీ, బాబ్రీ మసీదు కేసులో పిటిషనర్
అయోధ్యలో ఉన్న సరయు నదిలో ఎలాంటి వివక్ష లేకుండా ప్రతి ఒక్కరు స్నానం ఆచరిస్తారు. అయోధ్య.. మతాలు, వర్గాలు ఇలా ఏ తేడా లేకుండా ప్రతి ఒక్కరు ఆరాధించే పుణ్యస్థలం. ఒక్కొక్క మతానికి ఆచారాలు వేరు కావొచ్చు.. కానీ వారు పూజించే దేవుడు మాత్రం ఒక్కడే. అందుకు ప్రతీకగా నిలుస్తోంది సత్యార్థ్ ఆలయం. అయోధ్యలో ఉన్న ఈ మతసామరస్యం భవిష్యత్తులోనూ ఇలానే ఉంటుంది.
- ఆచార్య సత్యేంద్ర దాస్, శ్రీ రామ్లల్లా ప్రధాన అర్చకులు
