దీపాల వెలుగుల్లో కాంతులీనుతున్న అయోధ్య

రామాలయ భూమిపూజ జరగనున్న నేపథ్యంలో అయోధ్యను సర్వాంగ సుందరంగా ముస్తాబు చేశారు. నగరంలో అడుగడుగునా పండుగ వాతావరణం నెలకొంది. రహదారులు, భవనాలు రంగురంగుల విద్యుత్​ దీపాలతో వెలిగిపోతున్నాయి.

అయోధ్యలో రామాలయ భూమిపూజ జరగనున్న వేళ... నగరం శోభిల్లుతోంది. సరయూ నది ఒడ్డున వెలిసిన అయోధ్య... విద్యుద్దీపాల వెలుగుల్లో కాంతులీనుతోంది. బుధవారం మధ్యాహ్నం 12:30 గంటలకు జరిగే భూమిపూజకు ప్రధాని నరేంద్ర మోదీ హాజరుకానున్న నేపథ్యంలో ప్రత్యేక ఏర్పాట్లు చేశారు నిర్వాహకులు.

విద్యుత్​ దీపాల వెలుగుల్లో కాంతులీనుతున్న అయోధ్య

దీపాల వెలుగుల్లో సరయూ తీరం

సర్వాంగ సుందరంగా అయోధ్య

భవనాలు, కూడళ్లు, రహదారులు దేదీప్యమానంగా వెలిగిపోతున్నాయి. చారిత్రక హనుమాన్‌గఢీ, కనక్‌భవన్‌, రాజా దశరథ్‌మహళ్లను... సర్వాంగ సుందరంగా ముస్తాబు చేశారు. అయోధ్యలో అడుగడుగునా పండుగ వాతావరణం నెలకొంది.

విద్యుత్​ దీపాలతో కాంతులీనుతున్న అయోధ్య

నగర వీధుల్లో విద్యుత్​ దీపాల కాంతులతో అత్యంత సుందరంగా ఉంది అయోధ్య. దీపోత్సవంలో భాగంగా 'జై శ్రీరామ్​', 'ఓం' సహా పలు ఆకారాల్లో ప్రమిదలు పేర్చి... దీపాలు వెలిగించారు విశ్వ హిందూ పరిషత్ కార్యకర్తలు.

'జై శ్రీరామ్​' ఆకారంలో దీపాలు

ఓం ఆకారంలో వెలిగించిన ప్రమిదలు

యూపీ ముఖ్యమంత్రి యోగి ఆదిత్యనాథ్​ తన అధికారిక నివాసంలో దీపాలు వెలిగించారు. మధ్యప్రదేశ్​లో బాణసంచా కాల్చి వేడుకలు చేసుకున్నారు భాజపా కార్యకర్తలు.

అధికారిక నివాసంలో దీపం వెలిగిస్తున్న యోగి ఆదిత్యనాథ్​

ఇదీ చూడండి: రామ్​లల్లా వస్త్రాలంకణ బాధ్యత లాల్​ కుటుంబానిదే!