ఈ ఏడాది జరిగే షాంఘై సహకార సంస్థ (ఎస్సీఓ) సభ్య దేశాల ప్రభుత్వాధినేతల మండలి వార్షిక సమావేశానికి భారత్ మొదటిసారి ఆతిథ్యం ఇవ్వనుంది. ఎస్సీఓ కౌన్సిల్ ఆఫ్ హెడ్స్ పేరిట నవంబర్ 30న ఈ సదస్సును వర్చువల్గా నిర్వహించనున్నారు. ఈ మేరకు ఎస్సీఓలోని 8 సభ్య దేశాలను భారత్ ఆహ్వానించినట్లు స్పష్టం చేశారు విదేశీ వ్యవహారాల శాఖ అధికార ప్రతినిధి అనురాగ్ శ్రీవాత్సవ.
ఆయా దేశాల ప్రధానమంత్రులు/విదేశాంగ మంత్రులు ఈ భేటీకి వర్చువల్గా హాజరుకానున్నట్లు తెలిపారు. నవంబర్ 10న సదస్సును రష్యా వర్చువల్ ఫార్మాట్లో జరిపింది.
2017లో భారత్, పాకిస్థాన్ ఎస్సీఓలో శాశ్వత సభ్యదేశాలుగా గుర్తింపు పొందాయి. రష్యా, చైనా, కజకిస్థాన్, కిర్గిజ్స్థాన్, తజికిస్థాన్, ఉజ్బెకిస్థాన్ మిగతా దేశాలుగా ఉన్నాయి.
నాటోకు పోటీగా ఏర్పడిన ఎస్సీఓ ప్రముఖ అంతర్జాతీయ సంస్థగా నిలిచింది. శాంతి, స్థిరత్వం, భద్రతను పెంపొందించడమే దీని లక్ష్యం.
