పదే పదే కాల్పుల విరమణ ఒప్పందాన్ని ఉల్లంఘిస్తోంది పాకిస్థాన్. సోమవారం జమ్ముకశ్మీర్లోని పూంచ్ జిల్లాలో కాల్పులకు తెగబడ్డాయి పాక్ బలగాలు. భారత జవాన్లే లక్ష్యంగా మోర్టార్ బాంబులు విసిరాయి. ఈ దాడిలో ఓ భారత జవాను ప్రాణాలు కోల్పోయాడు. మరో ముగ్గురు తీవ్రంగా గాయపడ్డారు.
ఓ వైపు శాంతి కోరుకుంటున్నామని చెబుతూనే... సరిహద్దులో కవ్వింపు చర్యలకు పాల్పడుతోంది పాకిస్థాన్. జవాన్లు, పౌరులపై కాల్పులకు తెగబడుతోంది. తాజాగా దోడా బెటాలియన్ ప్రాంతమే లక్ష్యంగా పాక్ బలగాలు దాడులు జరిపినట్లు అధికారులు తెలిపారు.
కాల్పుల్లో గాయపడిన వారిని ఆసుపత్రికి తరలించారు. సరిహద్దులో పాక్ బలగాలకు దీటుగా బదులిస్తున్నాయి భారత దళాలు.
ఇదీ చూడండి: పాకిస్థాన్ మాజీ అధ్యక్షుడు జర్దారీ అరెస్ట్
