కట్టుదిట్ట భద్రత మధ్య పవిత్ర అమర్నాథ్ యాత్ర సోమవారం ప్రారంభంకానుంది. యాత్ర కోసం అధికారులు ఏర్పాట్లను ముమ్మరం చేశారు. యాత్రికులకు ఎలాంటి ఇబ్బందులు కలగకుండా తగిన చర్యలు చేపట్టారు.
యాత్ర సజావుగా జరిగేలా నిరంతరం అప్రమత్తంగా ఉండాలని కేంద్ర హోంమంత్రి అమిత్ షా అధికారులను ఆదేశించారు.
భద్రతకు పెద్దపీట...
అమర్నాథ్కు చేరుకునేందుకు వినియోగించే బల్టాల్, పహల్గమ్ ప్రాంతాల్లో అత్యాధునిక సాంకేతికతతో భద్రతను ఏర్పాటు చేసినట్టు జమ్ము పోలీసులు స్పష్టం చేశారు. ముఖ్యంగా యాత్ర సమయంలో బల్టాల్ ప్రాంతానిక ఉగ్రముప్పు ఉందన్న వార్తల నేపథ్యంలో భద్రతను మరింత పెంచారు.
ఫిబ్రవరిలో జరిగిన పుల్వామా దాడి నేపథ్యంలో యాత్రికుల భద్రతపై పెద్ద ఎత్తున జాగ్రత్తలు చేపట్టారు అధికారులు.
ఇప్పటికే కేంద్ర ప్రభుత్వం యాత్రకు సంబంధించి ఎన్నో సమీక్షలు నిర్వహించింది. జులై 1 ప్రారంభంకానున్న అమర్నాథ్ యాత్ర 40 రోజుల పాటు కొనసాగనుంది.
ఇదీ చూడండి:- 'ప్రభుత్వ ఉద్యోగులు ఉదయం 9 కల్లా విధుల్లో ఉండాల్సిందే'
