జమ్ముకశ్మీర్కు స్వయం ప్రతిపత్తిని కల్పించే అధికరణం- 370 రద్దు రాజ్యాంగ బద్ధతను సవాల్ చేస్తూ దాఖలైన వేర్వేరు పిటిషన్లపై సుప్రీం కోర్టు నేడు తీర్పును ప్రకటించనుంది. జనవరి 23న జస్టిస్ ఎన్వీ రమణ నేతృత్వంలోని ధర్మాసనం ఈ తీర్పును రిజర్వులో ఉంచింది. పిటిషన్‌దారులు కోరినట్లు ఏడుగురు సభ్యుల విస్తృతస్థాయి ధర్మాసనానికి విచారణ బాధ్యతను అప్పగించే అంశంపై నిర్ణయం తీసుకోనుంది.
కేంద్రం వాదనలు..
అధికరణం-370 రద్దు అనేది ముగిసిన అధ్యయమని.. ఆ సత్యాన్ని అంగీకరించడం మినహా మరో ప్రత్యామ్నాయమేదీ లేదని గతంలో విచారణ సందర్భంగా కేంద్రం వాదించింది.
అధికరణం-370కి సంబంధించి ప్రేమ్‌నాథ్‌ వర్సెస్‌ జమ్ము కశ్మీర్‌(1959), సంపత్‌ ప్రకాశ్‌ వర్సెస్‌ జమ్ము కశ్మీర్‌(1970) కేసుల్లో సుప్రీంకోర్టు ఇచ్చిన తీర్పులు పరస్పరం విరుద్ధంగా ఉన్నాయంటూ పిటిషన్‌ దారులు వాదించడాన్ని వేణుగోపాల్‌ తప్పుపట్టారు. రెండు వేర్వేరు అంశాలకు సంబంధించిన తీర్పులుగా వాటిని పేర్కొన్నారు.
ఈ నేపథ్యంలో సుప్రీంకోర్టు గతంలో వేర్వేరు సందర్భాల్లో ఇచ్చిన తీర్పులు పరస్పర విరుద్ధంగా ఉన్నాయని చూపించగలిగితేనే విస్తృత ధర్మాసనానికి పంపించే విషయాన్ని పరిశీలిస్తామని పేర్కొంది కోర్టు.
ఇదీ చూడండి: 'మోటేరా సభ చూసిన తర్వాత ఏదీ పెద్దదిగా లేదు'
