ప్రముఖ పరిశోధన సంస్థ అబాట్ భారత్లో యాంటీబాడీ ప్రయోగశాల ఏర్పాటు చేస్తున్నట్లు ప్రకటించింది. దీంతో ఈ నెల చివరినాటికి భారత్లో ఈ పరీక్షలు అందుబాటులోకి రానున్నాయని ఓ ప్రకటనలో చెప్పింది అబాట్. ఆ తర్వాత అన్ని సమస్యలకు పరిష్కారం లభిస్తుందని ఆశాభావం వ్యక్తం చేసింది.
ప్రపంచాన్ని వణికిస్తోన్న కరోనా మహమ్మారిని ఎదుర్కొనే పరీక్షలను వీలైనంత త్వరగా మార్కెట్లోకి తీసుకెళ్లేందుకు దృష్టి సారించినట్లు అబాట్ భారత డయాగ్నొస్టిక్స్‌ బిజినెస్ జనరల్‌ మేనేజర్‌ నరేంద్ర వార్దే చెప్పారు.
'మేం యాంటీబాడీ పరీక్షలను అందించడం చాలా గర్వంగా ఉంది. వైరస్‌ సోకిన వ్యక్తులను పసిగట్టేందుకు ఈ పరీక్షలు సాయపడతాయి.'
- నరేంద్ర వార్దే, జనరల్‌ మేనేజర్‌ - అబాట్ భారత డయాగ్నొస్టిక్స్‌ బిజినెస్.
ఈ యాంటీబాడీ పరీక్షల ద్వారా గతంలో వైరస్‌ బారినపడిన వ్యక్తులను గుర్తించేందుకు వీలుంటుంది. ఈ రకమైన పరీక్షలు.. వైరస్‌ చికిత్సతోపాటు వ్యాక్సిన్ను అభివృద్ధి చేసేందుకు ఎంతగానో సహకరించనున్నాయి.
సుదీర్ఘకాలంగా అంటు వ్యాధులకు సబంధించి విస్తృతంగా పరిశోధనలు చేస్తున్న అబాట్.. మొదటి దశ హెచ్‌ఐవీ పరీక్షల్లోనూ కీలకంగా వ్యవహరించింది.
ఇదీ చదవండి: కరోనా వేళ మీ కళ్లు భద్రమేనా? కాపాడుకోండిలా..
