లాక్డౌన్ను పొడిగించే దిశగా కేంద్రం ఆలోచిస్తున్నట్లు తెలుస్తోంది. అనేక రాష్ట్ర ప్రభుత్వాలతో పాటు, నిపుణులు కూడా లాక్డౌన్ పొడిగించాలని కేంద్రానికి సూచిస్తున్నందున ప్రభుత్వం ఆ దిశగా ఆలోచన చేస్తున్నట్లు సమాచారం.
మార్చి 25న కేంద్రం విధించిన 21 రోజుల లాక్డౌన్ ఈనెల 14తో ముగియనుంది. అయితే దేశంలో కరోనా కేసులు అంతకంతకూ పెరుగుతున్న దృష్ట్యా లాక్డౌన్ను మరికొన్ని రోజులు పొడిగించాలని తెలంగాణ, రాజస్థాన్ సహా పలు రాష్ట్ర ప్రభుత్వాలు కేంద్రానికి విన్నవించాయి. నిపుణులు కూడా ఇదే అభిప్రాయాలను వ్యక్తం చేస్తున్నందున కేంద్రం లాక్డౌన్ పొడిగించే దిశగా ఆలోచన చేస్తున్నట్లు ప్రభుత్వ వర్గాల సమాచారం.
ఐఆర్సీటీసీ కీలక నిర్ణయం...
లాక్డౌన్ పొడిగింపు ఖాయమన్న అంచనాల నడుమ భారతీయ రైల్వే అనుబంధ సంస్థ ఐఆర్సీటీసీ కీలక నిర్ణయం తీసుకుంది. ఏప్రిల్ 30 వరకు టికెట్ బుకింగ్లను నిలిపివేసింది.
దేశంలో 3 ప్రైవేట్ రైళ్లు నడుపుతోంది ఐఆర్సీటీసీ. లాక్డౌన్ కారణంగా తొలుత మార్చి 25 నుంచి ఏప్రిల్ 14 వరకు బుకింగ్లు నిలిపివేసింది. ఆ తర్వాత రోజులకు టికెట్లు విక్రయించింది. అయితే... తాజాగా ఏప్రిల్ 30వరకు బుకింగ్లు నిలిపివేసింది. ఇప్పటికే టికెట్లు బుక్ చేసుకున్న వారికి పూర్తి సొమ్ము వాపసు వస్తుందని తెలిపింది ఐఆర్సీటీసీ.
