బిహార్​లో ఘోర రోడ్డు ప్రమాదం.. ఏడుగురు మృతి

బిహార్​ గయా జిల్లాలో ఘోర రోడ్డు ప్రమాదం జరిగింది. ఈ ఘటనలో ఏడుగురు మృతి చెందగా... నలుగురికి తీవ్ర గాయాలయ్యాయని పోలీసులు తెలిపారు. క్షతగాత్రులను దగ్గరలోని ఆస్పత్రికి తరలించామని,కొందరు పరిస్థితి విషమంగా ఉందని చెప్పారు.

బిహార్‌లో ఘోర రోడ్డు ప్రమాదం జరిగింది. వేగంగా వస్తున్న ట్రక్కు రెండు ఆటోలను ఢీకొన్న ఘటనలో ఏడుగురు మృత్యువాతపడగా.. నలుగురికి తీవ్ర గాయాలయ్యాయి. గయా జిల్లాలోని బిష్ణుగంజ్‌ గ్రామం సమీపంలోని జీటీ రహదారిపై ఈ ప్రమాదం జరిగింది.

మృతదేహాలను పోస్టుమార్టానికి తరలించారు. అలాగే, ఈ ప్రమాదంలో గాయాలైన వారిని సమీపంలోని ఆరోగ్య కేంద్రంలో చికిత్స అందిస్తున్నట్టు తెలిపారు పోలీసులు. క్షతగాత్రుల్లో కొందరి ఆరోగ్యం విషమంగా ఉందన్నారు. బాధితులు రెగానియా ప్రాంతంలో జరిగిన ఓ వేడుకలో పాల్గొని రెండు ఆటోల్లో (గయా నుంచి ఔరంగాబాద్‌ వైపు) ప్రయాణిస్తుండగా ఈ ఘటన చోటుచేసుకున్నట్టు పోలీసులు వెల్లడించారు.

ఇదీ చూడండి: దిల్లీలో కరోనా తీవ్రం.. 6 రోజుల్లోనే 10వేల కేసులు