దేశంలో కరోనా కేసులు, మరణాలు పెరిగిపోతున్నాయి. అత్యధికంగా మహారాష్ట్రలో వైరస్ కేసులు నమోదయ్యాయి. తర్వాతి స్థానాల్లో గుజరాత్, దిల్లీ, మధ్యప్రదేశ్, రాజస్థాన్, తమిళనాడు ఉన్నాయి.
మహారాష్ట్రలో 15వేలు దాటిన కేసులు
మహారాష్ట్రలో కరోనా మహమ్మారి ఉద్ధృతి ఎక్కువగా ఉంది. ఇవాళ ఒక్కరోజే 841 మంది మహమ్మారి బారిన పడగా.. ఆ రాష్ట్రంలో మొత్తం కేసుల సంఖ్య 15,525కు చేరింది. ఇప్పటివరకు మొత్తం 617 మంది వైరస్తో ప్రాణాలు కోల్పోయారు. రాష్ట్రవ్యాప్తంగా నేడు 3 వందల మందికి పైగా డిశ్చార్జి అయినట్లు సమచారం.
తమిళనాడులో కొత్తగా 508 కేసులు
తమిళనాడులో రికార్డు స్థాయిలో కరోనా కేసులు పెరిగిపోతున్నాయి. గడిచిన 24 గంటల్లో 508 మందికి వైరస్ పాజిటివ్గా నిర్ధరణ అయింది. వైరస్ బాధితుల సంఖ్య 4,058కి ఎగబాకినట్లు ఆ రాష్ట్ర యంత్రాంగం వెల్లడించింది. మొత్తంగా 33 మంది మహమ్మారికి బలయ్యారు. ఇప్పటి వరకు 1085 మంది వైరస్ నుంచి కోలుకున్నారు.
గుజరాత్లో 6 వేలు దాటిన బాధితులు
గుజరాత్లో కరోనా కేసులు, మరణాలు పెరుగుతూనే ఉన్నాయి. ఇవాళ మరో 441 మందికి వైరస్ పాజిటివ్గా నిర్ధరణ అయింది. మొత్తం బాధితుల సంఖ్య 6,245కు చేరినట్లు అధికారులు తెలిపారు. తాజాగా 49 మంది మృతి చెందగా.. రాష్ట్రంలో ఇప్పటివరకు మొత్తం 368 మంది వైరస్కు బలయ్యారు. ఇవాళ ఒక్కరోజే 186 మంది డిశ్చార్జి కాగా.. రాష్ట్ర వ్యాప్తంగా మొత్తం 1381 మందిలో వైరస్ నయమైంది.
దిల్లీలో 5వేలు దాటిన కేసులు
దేశ రాజధాని దిల్లీలో ఇవాళ కొత్తగా 206 మందికి వైరస్ పాజిటివ్గా తేలింది. వీటితో కలిపి హస్తినలో మొత్తం కేసుల సంఖ్య 5వేలు దాటాయి.
పంజాబ్లో 219 మందికి
పంజాబ్లో రికార్డు స్థాయిలో 219 వైరస్ కేసులు నమోదయ్యాయి. మొత్తంగా 1,451 మంది వైరస్ బారిన పడినట్లు ఆ రాష్ట్ర అధికారులు ప్రకటించారు. రాష్ట్ర వ్యాప్తంగా 1,293 యాక్టివ్ కేసులు ఉన్నట్లు తెలిపారు. ఇప్పటి వరకు 25 మంది ప్రాణాలు కోల్పోయారు.
ఉత్తర్ప్రదేశ్లో 118 కేసులు
ఉత్తర్ప్రదేశ్లో కరోనా విజృంభణ కొనసాగుతూనే ఉంది. ఇవాళ మరో 118మంది మహమ్మారి బారినపడ్డారు. 56 మంది ప్రాణాలు కోల్పోయారు. రాష్ట్రవ్యాప్తంగా 2,880 మందికి వైరస్ సోకినట్లు ఆ రాష్ట్ర అధికారులు ప్రకటించారు. మొత్తంగా 987 మంది డిశ్చార్జి అయ్యారు.
బంగాల్లో ఏడుగురు..
బంగాల్లో ఇవాళ మరో ఏడుగురు వైరస్తో మృతి చెందగా.. మొత్తం మరణించిన వారి సంఖ్య 68కి చేరింది. రాష్ట్ర వ్యాప్తంగా కొత్తగా 85 కేసులు నమోదు కాగా... మొత్తంగా 1,344 మంది బాధితులు ఉన్నట్లు అధికారులు తెలిపారు.
రాజస్థాన్లో మొత్తం 82 మంది మృతి
రాజస్థాన్లోనూ కరోనా బాధితులు పెరిగిపోతున్నారు. కొత్తగా 38 వైరస్ కేసులు నమోదయ్యాయి. మొత్తంగా 3,099 మంది కరోనా బారినపడ్డారు. మరో ఐదుగురు మృతి చెందగా.. మరణాల సంఖ్య 82కు పెరిగింది. 983 మందిలో వైరస్ నయమైంది.
కర్ణాటకలో 28 మంది మృతి..
కర్ణాటకలో ఇవాళ మరో 8 కేసులు మాత్రమే నమోదైనట్లు అధికారులు తెలిపారు. మొత్తంగా 659 మందికి వైరస్ సోకినట్లు నిర్ధరణ అయింది. రాష్ట్రవ్యాప్తంగా 28 మంది మృతి చెందగా, 324 మంది కరోనా నుంచి విముక్తులయ్యారు.
- హరియాణాలో గడిచిన 24 గంటల్లో 31 మందికి వైరస్ నిర్ధరణ అయినట్లు అధికారులు తెలిపారు. మొత్తం బాధితుల సంఖ్య 548కి చేరినట్లు వెల్లడించారు.
- జమ్ముకశ్మీర్లో మరో 15 మందికి వైరస్ సోకగా మొత్తం 741 మంది బాధితులు ఉన్నట్లు అధికారులు తెలిపారు. 320 మంది కోలుకున్నారు.
- ఝార్ఖండ్లో నేడు ఏడుగురికి వైరస్ సోకినట్లు ఆ రాష్ట్ర యంత్రాంగం ప్రకటించింది. ఇప్పటి వరకు 122 మందికి వైరస్ సోకగా.. 27 మంది డిశ్చార్జి అయ్యారు.
- ఒడిశాలో తాజాగా నాలుగు కేసులు మాత్రమే నమోదయ్యాయి. రాష్ట్రంలో వైరస్ బారిన పడిన వారి సంఖ్య 173కు చేరుకుంది.
- కేరళలో ఈ రోజు కేవలం మూడు కేసులు మాత్రమే నమోదైనట్లు అధికారులు వెల్లడించారు. మొత్తం కేసుల సంఖ్య 502కు చేరుకుంది. రాష్ట్రంలో 37 యాక్టివ్ కేసులు ఉన్నాయి. రాష్ట్ర వ్యాప్తంగా 21 వేల మంది వైద్య పరిశీలనలో ఉన్నారని సమాచారం.
- హిమాచల్ప్రదేశ్లో గత 12 రోజుల నుంచి ఒక్కరికి కూడా వైరస్ సోకలేదని ఆ రాష్ట్ర యంత్రాంగం ప్రకటించింది. రాష్ట్రంలో ఇప్పటి వరకు 41 కేసులు నమోదు కాగా.. ప్రస్తుతం ఇద్దరు మాత్రమే చికిత్స పొందుతున్నారు.
