చైనా అదుపులోకి తీసుకున్న అరుణాచల్ ప్రదేశ్ యువకులను శనివారం భారత అధికారులకు అప్పగించే అవకాశం ఉంది. ఈ మేరకు కేంద్ర మంత్రి కిరణ్ రిజిజు వెల్లడించారు.
"అరుణాచల్ ప్రదేశ్కు చెందిన ఐదుగురు తమ వద్దే ఉన్నట్లు చైనా అంగీకరించింది. వారిని సెప్టెంబర్ 12న ఓ నిర్దిష్ట ప్రదేశంలో భారత అధికారులకు అప్పగించే అవకాశం ఉంది."
-కిరణ్ రిజిజు, కేంద్రమంత్రి
సుబాన్సిరి జిల్లాలో కస్తూరి జింకల వేటకు వెళ్లిన ఐదుగురు యువకులు సెప్టెంబర్ 4న అదృశ్యమయ్యారు. వారిని సరిహద్దు సమీపంలో గుర్తించి అదుపులోకి తీసుకన్నట్లు మంగళవారం చైనా ధ్రువీకరించింది.
ఎలా తెలిసింది?
అరుణాచల్ప్రదేశ్కు చెందిన ఎంపీ తపీర్ గావ్ యువకుల అదృశ్యానికి సంబంధించి విషయం వెల్లడించారు. అంతకుముందు కాంగ్రెస్ ఎమ్మెల్యే నిన్నాంగ్ ఎరింగ్ కూడా నాచో గ్రామానికి చెందిన యువకులను చైనా అపహరించిందని ఆరోపించగా ఈ విషయం వెలుగులోకి వచ్చింది.
నాచో నుంచి రెజంగ్లా కనుమకు వెళ్లే ప్రాంతంలో రెండు రోజులు నడకదారిన వెళ్తే భారత్, చైనా సరిహద్దు మెక్మోహన్ రేఖ వస్తుంది. ఇక్కడి సమీపంలో భారత భూభాగంలోనే వాళ్లను చైనా సైన్యం అదుపులోకి తీసుకున్నట్లు తెలుస్తోంది.
ఇదీ చూడండి: 'అవును.. ఆ ఐదుగురు మా దగ్గరే ఉన్నారు: చైనా'
