ఐదుగురు ఐటీబీపీ జవాన్లకు కరోనా- 90 మంది క్వారంటైన్​

ఐటీబీపీ(ఇండో- టిబెటన్ బోర్డర్ పోలీస్) దళంలో కరోనా కలకలం రేగింది. ఐదుగురు జవాన్లకు వైరస్ సోకినట్లు​ నిర్ధరణ అయ్యింది. 

బాధితుల్లో ఇద్దరు 50వ బెటాలియన్​కు చెందిన ఎస్​ఐ, హెడ్​ కానిస్టేబుల్. వీరు దిల్లీలో విధులు నిర్వర్తిస్తున్నారు. కరోనా సోకినట్లు తేలిన వెంటనే వీరిని హరియాణా జజ్జర్​లోని ఎయిమ్స్​కు తరలించారు. ఆ బెటాలియన్​లోని మొత్తం 90 మందిని ఐసొలేషన్​లోకి పంపారు.

దిల్లీలోని టిగ్రీ ప్రాంతంలో విధులు నిర్వర్తిస్తున్న మరో ముగ్గురికి కరోనా సోకినట్లు తేలింది. వీరిని ఐసొలేషన్​కు పంపారు.