భవనం కూలిన ఘటనలో ఆరుగురు మృతి

ముంబయిలో ఆరు అంతస్తుల భవనం కూలిన ఘటనలో ఆరుగురు ప్రాణాలు కోల్పోయారు. ఇప్పటివరకు 23 మందిని రక్షించారు సహాయక సిబ్బంది. శిథిలాల కింద ఇంకా పలువురు చిక్కుకున్నట్లు అనుమానిస్తున్నారు.

ముంబయి మింట్​ రోడ్డులో ఆరు అంతస్తుల భవనంలోని కొంత భాగం కుప్పకూలిన ఘటనలో ఆరుగురు మరణించారు. అగ్నిమాపక సిబ్బంది చేపట్టిన సహాయక చర్యల్లో 23 మంది ప్రాణాలతో బయటపడ్డారు. శిథిలాల కింద ఇంకా పలువురు చిక్కుకుని ఉన్నట్లు అధికారులు అనుమానిస్తున్నారు.

గురువారం సాయంత్రం 4:45 గంటలకు మింట్​ రోడ్డులోని భానుషాలి భవనంలోని 30-40 శాతం భాగం కుప్పకూలింది. రెండు రోజులుగా ఎడతెరపి లేకుండా కురుస్తున్న వర్షాల వల్లే ఈ ఘటన జరిగినట్టు అధికారులు భావిస్తున్నారు.