దేశంలో కల్లోలం సృష్టిస్తోన్న కరోనా.. దిల్లీలో విరుచుకుపడుతోంది. శనివారం మరో 186 మందికి వైరస్ సోకగా.. మొత్తం కేసుల సంఖ్య 1893కు చేరింది. నిన్న మరొకరు మృతిచెందగా.. ఇప్పటివరకు మొత్తం 43 మంది ప్రాణాలు విడిచారు.
ఆ 31 మందికి...
ఉత్తర దిల్లీ జహంగీర్పురీలో నివసిస్తున్న ఓ కుటుంబంలోని 31 మందికి కరోనా సోకింది. ఈ వార్త స్థానికుల్లో తీవ్ర భయాందోళనలకు కారణమైంది. వీరంతా ప్రస్తుతం నరేలాలోని సెల్ఫ్ ఐసోలేషన్ కేంద్రంలో ఉన్నట్లు అధికారులు తెలిపారు. ఒక మహిళ నుంచే వీరందిరికీ కరోనా సోకినట్లు వెల్లడించారు. అయితే.. వీరెవరికీ వైరస్ లక్షణాలు బయటపడలేదని పేర్కొనడం గమనార్హం.
''జహంగీర్పురీలో ఏప్రిల్ 8న ఓ మహిళ మృతిచెందింది. ఏప్రిల్ 10న చేసిన కరోనా పరీక్షల్లో ఆమెకు కరోనా పాజిటివ్గా తేలింది. ఆమె కుటుంబంలోని 26 మందికి శుక్రవారమే కొవిడ్ నిర్ధరణ కాగా... శనివారం మరో ఐదుగురు కరోనా బారినపడ్డారు. ఇందులో చిన్నపిల్లలూ ఉన్నారు.''
- సీనియర్ అధికారి
జ‌హంగీర్‌పురీ ప్రాంతాన్ని ఏప్రిల్ 10నే కంటైన్మెంట్ జోన్గా గుర్తించి... సీల్ చేశారు. అయిన‌ప్ప‌టికీ ఇక్కడ ప్రభుత్వ మార్గ‌ద‌ర్శ‌కాల‌ను ప్ర‌జ‌లు ఏమాత్రం పాటించ‌డంలేదని అధికారులు పేర్కొంటున్నారు. దిల్లీలో మొత్తం 76 ప్రాంతాలను కంటైన్మెంట్ జోన్లుగా ప్రకటించారు.
