భారత్లో కరోనా కోరలు చాస్తోంది. బిహార్లో ఇప్పటివరకు 60 కేసులు నమోదుకాగా.. ఒక్క సివాన్ జిల్లాలోనే బాధితుల సంఖ్య 29గా ఉంది. ఇందులో ఆశ్చర్యకర విషయం ఏంటంటే.. ఒకే కుటుంబంలోని 23 మంది ఇక్కడ కరోనా బారినపడ్డారు.
ఒమన్ నుంచి ఒక వ్యక్తి సివాన్కు వచ్చిన తర్వాత.. ఈ ప్రాంతం కరోనాకు హాట్స్పాట్గా మారింది. ఆ వ్యక్తి సివాన్కు వచ్చాక పరీక్షలు నిర్వహిస్తే కరోనా పాజిటివ్గా తేలింది. అతని నుంచి కుటుంబంలోని మొత్తం 23 మందికి కరోనా సోకినట్లు అధికారులు ధ్రువీకరించారు. ఇందులో 9 నుంచి 20 ఏళ్లలోపు నలుగురు అమ్మాయిలు, 50 ఏళ్లు పైబడిన ముగ్గురు మహిళలు ఉన్నారు. మిగతా వారు పురుషులు.
అధికారులు అప్రమత్తం..
ఒకేసారి ఇన్నికేసులు బయటపడ్డాక... అధికార యంత్రాంగం అప్రమత్తమైంది. సివాన్లో పరిస్థితిని క్షణక్షణం పర్యవేక్షిస్తున్నారు. బాధితులందరికీ మెరుగైన చికిత్స అందిస్తున్నట్లు పేర్కొన్నారు జిల్లా సమాచార, ప్రజా సంబంధాల అధికారి. మరో 119 మందిని క్వారంటైన్లో ఉంచినట్లు స్పష్టం చేశారు.
ఇంకా ఎందరికి?
ఒమన్ నుంచి వచ్చిన వ్యక్తి.. దిల్లీ, పట్నా మీదుగా ప్రయాణించినట్లు తెలుస్తోంది. అయితే.. పట్నా నుంచి సివాన్కు ఎలా చేరుకున్నాడనేది స్పష్టత లేదు. బాధితునితో సన్నిహితంగా ఉన్న అందరూ స్వచ్ఛందంగా వచ్చి టెస్టులు చేయించుకోవాలని కోరుతున్నారు అధికారులు.
ఒమన్ నుంచి వచ్చిన వ్యక్తికి కరోనా ఎలా సోకిందో ఇంకా తెలియలేదని.. డాక్టర్ రాజ్కిషోర్ చౌదరి పేర్కొన్నారు. ఆ వ్యక్తి.. పట్నా నుంచి బస్స్టాండ్కు ఏ ఆటోలో వెళ్లాడో, ఎంత మందికి సన్నిహితంగా ఉన్నాడో సరైన వివరాలు చెప్పలేకపోతున్నాడని అన్నారు.
