మహారాష్ట్రలోని వాషిమ్లో 'నిర్భయ' తరహా ఘటన జరిగింది. 24 ఏళ్ల ఓ యువతిపై కదిలే బస్సులో అత్యాచారానికి పాల్పడ్డాడో వ్యక్తి. వాషిమ్ నుంచి గోండియాకు వెళ్తున్న ఓ ప్రైవేట్ బస్సులో ఈ దుర్ఘటన జరిగింది. ఈ నెల 6న జరిగిన ఈ ఘటన.. బాధితురాలి ఫిర్యాదుతో ఆలస్యంగా వెలుగులోకి వచ్చింది.
ఇదీ జరిగింది..
గోండియా జిల్లాకు చెందిన బాధితురాలు.. ఓ పనిమీద పుణెకు వెళ్తుండగా.. మాలెగావ్ ప్రాంతంలో ఆమెపై అత్యాచారం చేశాడో దుండగుడు. అనంతరం ఆమెను చంపేస్తానని కత్తితో బెదిరించాడు. బాధితురాలు.. పుణె చేరుకున్నాక స్థానిక పోలీస్ స్టేషన్లో ఫిర్యాదు చేశారు.
ఈ ఘటనకు సంబంధించి.. పుణెకు చెందిన గుడ్విల్ ట్రావెల్స్, ప్రధాన నిందితుడు సమీర్ దివాకర్పై కేసు నమోదైంది. మాలెగావ్ పోలీసులు దర్యాప్తు ప్రారంభించారు. పరారీలో ఉన్న సమీర్ కోసం.. ఓ ప్రత్యేక బృందంతో గాలింపు చర్యలు చేపట్టినట్టు సమాచారం.
ఇదీ చదవండి: ఉద్యోగం నుంచి తీసేశారని ఆటోలో ఆత్మాహుతి
