జమ్ముకశ్మీర్లో ఉగ్రవాదుల ఏరివేత కొనసాగుతోంది. పలు ప్రాంతాల్లో తనిఖీలు ముమ్మరం చేశాయి భద్రత దళాలు. తాజాగా బారాముల్లా జిల్లా సోపోర్ ప్రాంతం డంగెర్పొరాలో ఉగ్రవాదులు ఉన్నారన్న పక్కా సమాచారంతో గాలింపు చర్యలు చేపట్టాయి. భద్రతా దళాలపైకి తీవ్రవాదులు కాల్పులకు తెగబడ్డారు. జవాన్లు దీటుగా స్పందించారు. ఈ భీకర పోరులో ఇద్దరు ఉగ్రవాదులు హతమయ్యారు.
మృతిచెందిన ఉగ్రవాదుల నుంచి భద్రతా సిబ్బంది భారీగా ఆయుధాలు, పేలుడు పదార్ధాలు స్వాధీనం చేసుకున్నారు. ముష్కరులు ఏ సంస్థకు చెందినవారో గుర్తించేందుకు ప్రయత్నిస్తున్నారు.
ఇదీ చూడండి: 'గంగలో మునిగితే ఇక అంతే సంగతులు'
