తండ్రి విగ్రహాన్ని చూసి నాన్నా అని ముద్దుపెట్టుకున్న చిన్నారి
ఆ చిన్నారి.. తల్లి కడుపులో ఉండగానే తండ్రి మరణించాడు. సరిగ్గా సంవత్సరం తర్వాత తన తండ్రి విగ్రహం వద్దకు వచ్చింది ఆ పాప. ఈ వ్యక్తి నీ నాన్న అని కుటుంబ సభ్యులు చెప్పగానే.. విగ్రహం దగ్గరికి వెళ్లి 'నాన్నా' అంటూ పలకరించింది. విగ్రహాన్ని కౌగిలించుకొని ముద్దుపెట్టుకుంది. మిఠాయి తినిపించాలనుకుంది.
ఛత్తీస్గఢ్లోని కోర్బా నగరంలో ఈ ఘటన చోటుచేసుకుంది. సబ్ ఇన్స్పెక్టర్గా ఉన్న మూలచందర్.. గతేడాది జనవరిలో జరిగిన నక్సల్స్ దాడిలో అమరుడయ్యాడు. ఆ సమయంలో ఆయన భార్య గర్భవతి. సంవత్సరం తర్వాత మూలచందర్ జయంతి రోజున కుటుంబమంతా అయన విగ్రహానికి నివాళులర్పించారు.
నిజ జీవితంలో తండ్రిని చూడలేకపోయినా.. ఆయన విగ్రహంపై ఆ కూతురు కురిపించిన ప్రేమను చూసిన వారు కంటతడి పెట్టుకున్నారు.
