కర్ణాటకకు చెందిన ఓ వ్యక్తిని అదృష్టం వరించింది. ఒక్క రోజులోనే ఆయన కోటీశ్వరుడు అయ్యారు. ఆన్లైన్లో కొనుగోలు చేసిన టికెట్తో.. ఏకంగా రూ.44 కోట్లు గెలుచుకున్నారు. బెంగళూరుకు చెందిన అరుణ్ కుమార్ వటక్కే కొరోత్ అనే వ్యక్తి ఈ బంపర్ జాక్పాట్ కొట్టారు. అయితే అరుణ్ కుమార్కు లాటరీ గెలుచుకున్నారని ఫోన్ వస్తే దాన్ని ఆయన ప్రాంక్ కాల్ అనుకుని ఆ నంబర్ను బ్లాక్ చేశారు.
అరుణ్ కుమార్ వటక్కే కొరోత్.. ఆన్లైన్లో అబుదాబీకి చెందిన లాటరీ టికెట్ను కొనుగోలు చేశారు. మార్చి 22వ తేదీన అరుణ్ కుమార్ బిగ్ టికెట్ డ్రా సిరీస్ 250లో ఓ లాటరీ టికెట్ను కొన్నారు. అయితే ఏప్రిల్ 3వ తేదీన లైవ్ షోలో లక్కీ డ్రా ద్వారా లాటరీ విజేతను ప్రకటించారు. అదృష్టవశాత్తూ అరుణ్ కుమార్ ఆ లక్కీ డ్రాలో మొదటి విజేతగా నిలిచారు. ఫలితంగా అరుణ్ కుమార్కు అబుదాబీలో 20 మిలియన్ దిర్హమ్ అంటే భారతీయ కరెన్సీ ప్రకారం దాదాపు రూ.44 కోట్లు దక్కాయి.
ప్రాంక్ కాల్ అనుకున్నాడట..
అరుణ్ కుమార్ ఆన్లైన్లో కొనుగోలు చేసిన బిగ్ లాటరీ టికెట్కు బంపర్ ప్రైజ్ వచ్చిందని.. బిగ్ టికెట్ లైవ్ డ్రా హోస్ట్ ఆయనకు కాల్ చేశారు. బిగ్ లాటరీలో మొదటి బహుమతి గెలుపొందారన్న విషయాన్ని అరుణ్కు తెలిపారు. అయితే అరుణ్ కుమార్ దీన్ని ప్రాంక్ కాల్ అని అనుకున్నారు. వెంటనే ఫోన్ కట్ చేసి.. ఆ నంబర్ను బ్లాక్ చేశారు. అయితే హోస్ట్లు మరో నంబర్ ద్వారా కాల్ చేసి చెప్పిన తర్వాతే ఆ విషయాన్ని నమ్మారు అరుణ్.
"బిగ్ టికెట్ నుంచి కాల్ వచ్చినప్పుడు మొదట నేను అది ఫేక్ కాల్ అనుకున్నా. ఎవరైనా ప్రాంక్ కాల్ చేసి ఉండొచ్చని భావించా. నేను ఆ కాల్ డిస్కనెక్ట్ చేసి.. ఆ నంబర్ను బ్లాక్ చేశాను. వెంటనే వేరే నంబర్ నుంచి నాకు కాల్ వచ్చింది" అని అరుణ్ కుమార్ తెలిపారు. రెండోసారి ఫోన్ కాల్ వచ్చిన తర్వాతనే అరుణ్ తనకు లాటరీలో మొదటి ప్రైజ్ వచ్చిందన్న విషయాన్ని నమ్మారు. తాను లాటరీ టికెట్ కొనుగోలు చేయడం రెండవసారి అని అరుణ్ వెల్లడించారు.
రూ.6,536 జాక్పాట్ కొట్టిన వ్యక్తి!
ఇటీవలే అమెరికాకు చెందిన ఏ వక్తి ఓ వ్యక్తి ఏకంగా రూ.6,536 కోట్లకు పైగా సొమ్మును లాటరీలో గెలుచుకున్నారు. అమెరికా కరెన్సీలో దీని విలువ 754.6 మిలియన్ల డాలర్లు. పవర్‌బాల్ లాటరీ గేమ్లో ఈ భారీ జాక్పాట్ను ఆయన సొంతం చేసుకున్నారు. అయితే జాక్పాట్ నగదు మొత్తాన్ని విజేతకు ఒకేసారి ఇవ్వరు. విడతలవారీగా అందిస్తారు. తొలుత మొత్తం లాటరీ ప్రైజ్ మనీలో కొంతభాగం ఇచ్చేస్తారు. మిగిలిన మొత్తాన్ని గెలిచిన సమయం నుంచి 29 సంవత్సరాల వరకు దశలవారీగా చెల్లిస్తారు. గెలుచుకున్న మొత్తానికి సంవత్సరానికి 5 శాతం చొప్పున వడ్డీని కలుపుతారు. అయితే విజేత ఇందుకు అంగీకరించపోతే ఏం జరుగుతుందో తెలుసుకోవాలంటే ఇక్కడ క్లిక్ చేయండి.
