Bengal minor sets fire: పశ్చిమ బంగాల్లో దారుణం జరిగింది. తన మీద పెట్టిన అత్యాచార యత్నం కేసును వెనక్కి తీసుకోవాలని 14 ఏళ్ల బాలికను బెదిరించారు ఓ ఇద్దరు కిరాతకులు. లేదంటే కుటుంబాన్నే చంపేస్తామని బెదిరించారు. దీంతో ఆమె భయంతో ఒంటికి నిప్పంటించుకుని ఆత్మహత్యకు ప్రయత్నించింది. మయినాగుడి పోలీస్ స్టేషన్ పరిధిలో జరిగిన ఈ ఘటనపై కేసు నమోదు చేసుకున్న పోలీసులు నిందితులను అరెస్ట్ చేశారు.
ఫిబ్రవరి 28న ఒంటరిగా ఉన్న సమయంలో తనపై ఓ వ్యక్తి అత్యాచారానికి ప్రయత్నించాడని కేసు పెట్టింది బాలిక. నిందితుడిని పోలీసులు అప్పుడే అదుపులోకి తీసుకున్నారు. ఈ మధ్యే బెయిల్పై విడుదలయ్యాడు. అనంతరం బాలిక ఇంటికి మరో వ్యక్తితో వెళ్లి కేసు వాపస్ తీసుకోవాలని బెదిరించాడు. దీంతో ఆమె నిప్పంటించుకుంది. ప్రస్తుతం ఆస్పత్రిలో చికిత్స పొందుతోంది. ఈ ఘటనకు కారణమైన ఇద్దరు వ్యక్తులను పోలీసులు అదుపులోకి తీసుకున్నారు.
తల్లిని చంపిన కుమార్తె: మరో వైపు ఇన్సూరెన్స్ డబ్బుల కోసం కన్న తల్లినే చంపింది ఓ కుమార్తె. తన భర్తతో కలిసి కుట్రలు పన్నింది. ఈ ఘటన ఉత్తర్ప్రదేశ్లోని గ్రేటర్ నోయిడాలో శుక్రవారం జరిగింది. బాధితురాలి భర్త మరణించడం వల్ల ఆమెకు 15 లక్షల రూపాయల ఇన్సూరెన్స్ వచ్చింది. ఈ నగదు కోసం తరచూ ఆమె కుమార్తె, అల్లుడు హింసించేవారని తెలుస్తోంది. శుక్రవారం ఉదయం ఇంట్లో ఎవరూ లేని సమయంలో వంటగదిలో నిప్పు పెట్టినట్లు పోలీసులు తెలిపారు. మృతురాలి కుమారుడి ఫిర్యాదు మేరకు పోలీసులు ఆమె కూతురు మీను, భర్త మహవీర్ను అదుపులోకి తీసుకున్నారు.
ఇదీ చదవండి: నీటి కోసం 2 కి.మీ నడక.. నిచ్చెన, తాళ్లతో బావిలోకి దిగి..
