కుక్క బెల్టును భార్య మెడకు బిగించి.. ప్రాణాలు తీసి..

ఆయనో బ్యాంకు అసిస్టెంట్ మేనేజర్. భార్య షాపింగ్ ఖర్చులు భరించలేకపోయాడట. కుక్క బెల్టును భార్య మెడకు బిగించి హత్య(husband kills wife) చేశాడు. ఆ తర్వాత వెంటనే పోలీసు స్టేషన్​కి వెళ్లి లొంగిపోయాడు.

కుక్క బెల్టును భార్య మెడకు బిగించి హత్య(husband kills wife) చేశాడో బ్యాంకు ఉద్యోగి. అనంతరం నేరుగా పోలీసు స్టేషన్​కి వెళ్లి లొంగిపోయాడు. ఈ ఘటన బంగాల్​లోని పశ్చిమ బర్ధమాన్​ జిల్లాలో జరిగింది.

కుక్క బెల్టును భార్య మెడకు బిగించి హత్య చేసిన బ్యాంకు ఉద్యోగి

బిప్లవ్​ పరీదా వృత్తిరీత్యా బ్యాంకు ఉద్యోగిగా పనిచేసేవాడు. తన భార్య ఇప్స ప్రియదర్శినితో(35) కలిసి బామున్​పొరా ప్రాంతంలో నివసిస్తున్నాడు. స్థానికంగా సెంట్రల్​ బ్యాంకు ఆఫ్ ఇండియాలో అసిస్టేంట్​ మేనేజర్​గా పనిచేస్తున్నాడు. 2019లోనే కటక్​కు చెందిన ఇప్సను వివాహం చేసుకున్నాడు. అయితే.. వీరివురి మధ్య చిన్న చిన్న తగాదాలు అప్పుడప్పుడు జరుగుతుండేవి. కానీ ఈసారి మాత్రం బిప్లవ్​ సహనం కోల్పోయాడు. కుక్క బెల్టును భార్య మెడకు బిగించి హత్య చేశాడు.

పోలీసులకు లొంగిపోయిన నిందితుడు

'కుటుంబంపై శ్రద్ధలేదు..'

హత్యానంతరం పోలీసు స్టేషన్​కి వెళ్లి నేరాన్ని ఒప్పుకున్నాడు బిప్లవ్​. 'నా భార్యకు కుటుంబ జీవితంపై శ్రద్ధలేదు. షాపింగ్​తో అనవసర ఖర్చులు చేస్తోంది. వాటిని నేను భరించలేకపోయాను. సెలవు దినాల్లో టూర్లకు వెళ్లాలని ఇబ్బంది పెడుతుంది. ఫ్యాషన్ డిజైనింగ్​లో కోర్సు అంటూ వృథా ఖర్చు చేయించింది. ఇంటి పనులన్నీ నేనే భరించాల్సి వస్తోంది. నేను ఓపికను కోల్పోయాను,' అని చెప్పుకొచ్చాడు.

ఇప్స మృతదేహాన్ని గుర్తించిన పోలీసులు.. ఆమె కుటుంబ సభ్యులకు సమాచారం అందించారు. దర్యాప్తును ముమ్మరం చేశారు.

ఇదీ చదవండి:కూతురిపై తండ్రి అత్యాచారం.. అవమానంతో కొడుకు ఆత్మహత్య