శబరిమల అయ్యప్ప భక్తులకు గుడ్​న్యూస్​- వారి కోసం 'అయ్యన్​' యాప్​, ఇక మరింత ఈజీగా దర్శనం!

Ayyan App to Help The Devotees In Sabarimala : శబరిమల వెళ్లే అయ్యప్ప స్వామి భక్తులకు గుడ్​ న్యూస్. దట్టమైన అడవిలో శబరిమలకు నడిచి వెళ్లే భక్తులకోసం 'అయ్యన్​ యాప్​' ను కేరళ అటవీశాఖ అందుబాటులోకి తీసుకువచ్చింది. ఆ యాప్ ప్రత్యేకతలు, ఏయే భాషల్లో అందుబాటులో ఉంటుంది తదితర వివరాలు మీ కోసం.

Ayyan App to Help The Devotees In Sabarimala : శబరిమల అయ్యప్పస్వామి దర్శనానికి వెళ్లే భక్తులకోసం అయ్యన్​(Ayyan App) యాప్​ను అందుబాటులోకి తీసుకువచ్చింది కేరళ ప్రభుత్వం. ఈ యాప్​ ద్వారా భక్తులు, అయ్యప్ప స్వాములు పలు సేవలను పొందవచ్చు. భక్తుల కోసం అయ్యన్​ యాప్​ను ఆన్​లైన్​, ఆఫ్​లైన్ విధానంలో పనిచేసే విధంగా రూపొందించారు. భక్తులకు అత్యవసర సేవలను అందించేందుకు వీలుపడుతుందనే ఉద్దేశంతో కేరళ అటవీశాఖ ఈ యాప్​ను ​అందుబాటులోకి తీసుకువచ్చింది.

ఈ యాప్​ ద్వారా ఏయే సేవలు పొందవచ్చు

• శబరిమల ఆలయానికి వెళ్లే మార్గంలో సేవా కేంద్రాల వివరాలు
• హెల్త్ ఎమర్జెన్సీ
• వసతి సౌకర్యలు
• ఏనుగులు సంచరించే ప్రాంతాలు
• ఫైర్​ ఫోర్స్
• పోలీస్​ ఎయిడ్ పోస్ట్​ల వివరాలు
• తాగునీరు పాయింట్లు

పలు భాషల్లో..
శబరిమల అయ్యప్ప స్వామి దర్శనానికి దట్టమైన అడవిలో నడిచి వచ్చే భక్తుల కోసం ఈ యాప్​ను కేరళ అటవీశాఖ రూపొందించింది. గూగుల్​ ప్లేస్టోర్​లో అయ్యన్ యాప్​ను డౌన్​లోడ్ చేసుకోవచ్చు. తెలుగు, తమిళం, మళయాళం, కన్నడ, హిందీ భాషల్లో ఈయాప్​ అందుబాటులో ఉంటుంది.

భక్తుల భద్రతను దృష్టిలో ఉంచుకొని..
శబరిమల అయ్యప్ప స్వామి దర్శనానికి దట్టమైన అడవిలో నడిచి వెళ్లే భక్తులు, అయ్యప్ప స్వాములకు వన్యప్రాణుల వల్ల ఎదురవుతున్న ఇబ్బందుల్ని దృష్టిలో ఉంచుకొని కేరళ అటవీశాఖ అధికారులు ఈ యాప్‌ను అందుబాటులోకి తెచ్చింది. ఇటీవల కాలంలో తిరుమల శ్రీవేంకటేశ్వర స్వామి దర్శనానికి కాలినడకన వెళ్తున్న భక్తులపై చిరుతలు దాడిచేస్తున్న ఘటనలు వెలుగులోకి వస్తున్నాయి. ఈ తరహా ఘటనలు అక్కడ కూడా జరిగే అవకాశం ఉంది. అందువల్ల ముందు జాగ్రత్త చర్యల్లో భాగంగా ఈ యాప్‌ను అభివృద్ధి చేసినట్లు సమాచారం.

అటవీ మార్గంలో నడిచి వెళ్తున్నప్పుడు ఏనుగులు లాంటి వన్యమృగాలు దాడిచేసినట్లయితే.. ఈ యాప్‌ ఉపయోగించి వెంటనే అధికారుల సాయం పొందొచ్చని కేరళ అటవీశాఖ అధికారులు తెలిపారు. ఆపద ఎదురైన స్థలాన్ని గుర్తించి తక్షణమే సహాయక చర్యలు చేపట్టేలా ఈ యాప్‌ను డిజైన్ చేశారు. ఈ లింక్ పై క్లిక్ చేసి గూగుల్ ప్లేస్టోర్​ నుంచి అయ్యన్ యాప్​ను డౌన్​లోన్ చేసుకోవచ్చు.

ఈ ఏడాది ఆరంభంలో కేరళలోని శబరిమల అయ్యప్ప స్వామి ఆలయానికి భారీగా ఆదాయం వచ్చింది. ఆ సీజన్​లో రూ.318 కోట్లకు పైగా ఆదాయం వచ్చిందని ఆలయ అధికారులు తెలిపారు. ఇది అయ్యప్ప స్వామి ఆలయ చరిత్రలోనే అత్యధికమని చెప్పారు. 2018 సీజన్​లో అత్యధికంగా రూ.260 కోట్లు వచ్చాయని.. ఈసారి ఆ రికార్డును తిరగరాస్తూ భారీగా ఆదాయం పెరిగిందని వివరించారు. పూర్తి వార్తను చదవడానికి ఈ లింక్​పై క్లిక్ చేయండి.