ఒకే బ్యాంకు.. వారంలో రెండుసార్లు దోపిడీ

జమ్ముకశ్మీర్​లోని గ్రామీణ బ్యాంకుకు చెందిన వేర్వేరు శాఖల్లో వారం తిరగకుండానే రెండు సార్లు దోపిడీ జరిగింది. శ్రీనగర్​లోని పంజినారాలో ఉన్న బ్యాంకు నుంచి ముసుగు ధరించిన దొంగలు రూ.3.5లక్షలను మంగళవారం దోచుకెళ్లారు.

వారం తిరగకుండానే జమ్ముకశ్మీర్​లో మరో బ్యాంకు లూటీ జరిగింది. మంగళవారం శ్రీనగర్​లోని పంజినారా ప్రాంతంలోని గ్రామీణ బ్యాంకులోకి ముగ్గురు దుండగులు చొరబడి రూ.3.5 లక్షలు దోచుకెళ్లారు. దీనిపై దర్యాప్తు చేస్తున్నట్లు పోలీసులు వెల్లడించారు.

ఇదే బ్యాంకుకు బారాముల్లాలోని తాంగ్​మార్గ్​లో ఉన్న శాఖ నుంచి మార్చి 12న సాయుధులు రూ.2.25 లక్షలు దోచుకెళ్లారు.

ఇదీ చూడండి: రాజస్థాన్​లో ఫోన్ ట్యాపింగ్​పై రగడ