కాంగ్రెస్ అగ్రనేత రాహుల్ గాంధీకి మరో షాక్ ఇచ్చింది జాతీయ బాలల హక్కుల పరిరక్షణ కమిషన్ (ఎన్సీపీసీఆర్). రాహుల్ గాంధీ ఇన్స్టాగ్రామ్ ప్రొఫైల్పై చర్యలు తీసుకోవాలని ఫేస్బుక్ను ఆదేశించింది. దిల్లీలో హత్యాచారానికి గురైన తొమ్మిదేళ్ల బాలిక కుటుంబ వివరాలను బహిరంగపరిచేలా ఓ ఫొటో పోస్ట్ చేసినందుకు ఈ చర్యలు తీసుకోవాలని పేర్కొంది. ఈ మేరకు ఫేస్బుక్కు ఎన్సీపీసీఆర్ ఓ లేఖ రాసింది.
"ఇన్స్టాగ్రామ్లో రాహుల్ పోస్టు చేసిన ఓ వీడియోలో.. బాధిత బాలిక కుటుంబాన్ని గుర్తించేలా ఉంది. ఆ వీడియోలో బాలికతో పాటు ఆమె తల్లితండ్రులు స్పష్టంగా కనిపిస్తున్నారు. ఇది నిర్దేశించిన చట్టాలను ఉల్లంఘించడమే. జువైనల్ జస్టిస్ యాక్ట్-2015, పోక్సో చట్టం-2012, ఐపీసీలోని నిబంధనలను ఉల్లంఘించినందుకుగాను ఆయన ఖాతాపై చర్యలు తీసుకోవాలి. సదరు వీడియోను వెంటనే తొలగించాలి."
-ఫేస్బుక్కు రాసిన లేఖలో ఎన్సీపీసీఆర్
దిల్లీలో హత్యాచారానికి గురైన బాలిక కుటుంబ సభ్యులను గత వారం కలిసిన రాహుల్.. సంబంధిత ఫొటోను తన ట్విట్టర్ ఖాతాలో షేర్ చేశారు. దాంతో స్పందించిన ఎన్సీపీసీఆర్.. ఆ ట్వీట్పై చర్యలు తీసుకోవాలని ట్విట్టర్కు నోటీసులు పంపించింది. అందుకు అనుగుణంగా ఆయన ఖాతాను బ్లాక్ చేసింది ట్విట్టర్.
ఇదీ చూడండి: 'ట్విట్టర్ రాజకీయం'లో కొత్త ట్విస్ట్- ఇక కాంగ్రెస్తో...
ఇదీ చూడండి: కాంగ్రెస్ ట్విట్టర్ ఖాతా బ్లాక్- అసలు కారణమేంటి?
ఇదీ చూడండి: 'ట్విట్టర్ పక్షపాతం- సర్కారు చెప్పిందే వేదం!'
