దేశంలో కాంగ్రెస్ తిరిగి పుంజుకోవాలని నేషనల్ కాన్ఫరెన్స్ పార్టీ అధినేత ఫరూక్ అబ్దుల్లా ఆకాంక్షించారు. దేశంలోని విభజన శక్తులను ఎదుర్కొనేలా కాంగ్రెస్ బలపడాలన్నారు. అంతకుముందు పార్టీలో సంస్థాగత మార్పులు కోరుతూ జమ్ముకశ్మీర్లో కాంగ్రెస్ అసంతృప్త నేతలు(జీ-23) 'శాంతి సమ్మేళన్' కార్యక్రమాన్ని నిర్వహించిన నేపథ్యంలో ఆయన ఈ వ్యాఖ్యలు చేశారు.
"కాంగ్రెస్ బలపడాలని నేను కోరుకుంటున్నాను. కాంగ్రెస్ నాయకులంతా కలిసి దేశంలోని విభజన శక్తులకు వ్యతిరేకంగా పోరాడాలి. కాంగ్రెస్ 150ఏళ్ల చరిత్ర కలిగిన జాతీయ పార్టీ."
-- ఫరూక్ అబ్దుల్లా, నేషనల్ కాన్ఫరెన్స్ పార్టీ అధినేత
కశ్మీర్లోని ఉగ్రసమస్యపై స్పందించారు అబ్దుల్లా. ఉగ్రవాదుల సమస్యను క్షేత్రస్థాయిలో పరిష్కరించేంత వరకూ ఉగ్రదాడులు ఆగవని అభిప్రాయపడ్డారు.
ఇదీ చదవండి : 'వారికి ప్రజా సంక్షేమం కంటే.. వారసత్వమే ముఖ్యం'
