Zero Covid Deaths: గతేడాది కరోనా కారణంగా భారత్తో పాటు ప్రపంచమంతా అతలాకుతలమైంది. సాఫ్ట్వేర్ అప్డేట్లా ఒక వేరియంట్ తర్వాత మరొకటి పుట్టుకొస్తూనే ఉంది. లక్షల మంది ప్రాణాలు కబళించి మానవాళికే ముప్పుగా పరిణమించింది. అయితే మధ్యప్రదేశ్ నీముచ్ జిల్లాలోని దేవరి ఖవాసా గ్రామం మాత్రం ఇందుకు మినహాయింపు. 2021లో ఆ ఊరిలో ఒక్క కరోనా మరణం కూడా నమోదు కాకపోవడం విశేషం.
దేవరి ఖవాసా జనాభా 2,500 మంది. దేశంలో ఏ చిన్న ప్రాంతాన్ని వదలని వైరస్ ఆ ఊరు కూడా పాకింది. ఫలితంగా కొందరు వైరస్ బారినపడ్డారు. అయితే ఏడాది కాలంలో కరోనాతో ఏ ఒక్కరూ చనిపోలేదు. దీంతో తమ ఆనందాన్ని వినూత్నంగా వ్యక్తం చేశారు. దేవ్నారాయణ ఆలయంలో 90 మందికిపైగా దేవుడికి సామూహికంగా తలనీలాలు సమర్పించి మొక్కు తీర్చుకున్నారు. అన్నాదాన కార్యక్రమం నిర్వహించారు. దేవుడి పాటలకు నృత్యాలు చేశారు.
కరోనా ఉచ్చస్థితిలో ఉన్న సమయంలో ఆ గ్రామంలోని 25 నుంచి 30 మంది వైరస్ బారిన పడ్డారు. ఆ సమయంలో "గ్రామస్థులంతా దేవ్నారాయణ ఆలయానికి వెళ్లి, 2021లో కరోనా కారణంగా ఎవరూ చనిపోకుండా ఉంటే.. తలనీలాలు సమర్పించి, భండారా(విందు) ఏర్పాటు చేస్తామని మన్నత్(ప్రతిజ్ఞ) చేశాం" అని ఆ గ్రామస్థుడు అంబాలాల్ పాటిదర్ తెలిపారు.
ఇదీ చూడండి: మేకల్ని దొంగలించిన పోలీస్- న్యూఇయర్ పార్టీ కోసం..
